L-omelija tal-Isqof Joseph Galea-Curmi

Fiċ-ċelebrazzjoni tal-Magħmudija, hemm mument meta s-saċerdot imiss b’sebgħu l-widnejn u l-fomm ta’ min ikun se jitgħammed u jgħid: “Sidna Ġesù, li ta s-smigħ lit-torox u l-kelma lill-imbikkmin, jagħti lilek ukoll il-grazzja li ma ddumx ma tkun tista’ tisma’ b’widnejk il-kelma tiegħu u tilqagħha, u tistqarr bil-fomm il-fidi tiegħek biex tfaħħar u ssebbaħ lil Alla l-Missier.”  Bħalissa, minħabba l-pandemija, is-saċerdot ma jmissx il-widnejn u l-fomm ta’ min ikun se jitgħammed, imma jgħid din it-talba li għandha tifsira kbira għal dak li l-magħmudija għandha tkun għalina… Read more »

L-omelija tal-Isqof Joseph Galea-Curmi

Aktarx ma hawn imkien ieħor fid-dinja fejn jiċċelebraw nawfraġju. Li jfakkru nawfraġju li jkun sar, iva, imma ħafna drabi jfakkruh minħabba l-ħsara li jkun ħalla u l-imwiet tan-nies.

Aħna mhux infakkru nawfraġju, imma niċċelebraw in-nawfraġju ta’ San Pawl. U niċċelebrawh mhux biss għax dakinhar in-nies kollha li kienu fuq il-ġifen salvaw, imma niċċelebrawh l-aktar għax dan kien ifisser li Malta laqgħet il-fidi fi Kristu… Read more »

L-omelija tal-Isqof Joseph Galea-Curmi

Jekk hemm xi ħaġa li tolqtok f’dan l-Evanġelju skont San Mark li għadna kif smajna, din hi l-imħabba kbira ta’ Ġesù lejn kull persuna; kif Ġesù ried dejjem il-ġid lil kull persuna, u għalhekk kien jgħin biex ifejjaq lil min kien marid, biex ineħħi dak li jfixkel il-ħajja, u jgħin lill-bniedem biex jgħix ħajtu mill-ġdid.

Ir-rispett lejn il-ħajja ta’ kull bniedem

Hawnhekk hija verament sabiħa d-deskrizzjoni meta Ġesù jidħol fid-dar ta’ Xmun, fejn kien hemm omm il-mara tiegħu li kienet ma tiflaħx… Read more »

L-omelija tal-Isqof Joseph Galea-Curmi

Hemm mumenti fl-Evanġelju fejn lil Ġesù narawh b’folol kbar ta’ nies. L-Evanġelju tal-lum hu wieħed minnhom, meta lanqas laħqu waslu Ġesù u d-dixxipli, u rabtu d-dgħajsa max-xatt, li ma tfaċċawx ħafna nies. U dawn in-nies kellhom skop partikulari: li jġibulu l-morda biex Ġesù jfejjaqhom. Mhux biss hemmhekk fejn ix-xatt, imma meta daħal fl-ibliet u fl-irħula u fil-kampanja, kienu qishom jagħmlu laqgħat kbar, mass meetings ta’ morda, u jitolbu lil Ġesù jfejjaqhom… Read more »

L-omelija tal-Isqof Joseph Galea-Curmi

Hi paġna ta’ niket u makabra din li għadna kif qrajna, dan ir-rakkont tal-qtil ta’ Ġwanni l-Battista. Mhux biss għax inqatel, imma l-mod vili li bih inqatel; u anke l-idea li taqta’ rasu u ġġibha fuq platt tqabbdek il-bard! Meta tiftakar li dan kollu sar biex tikkuntenta mara li kienet tobogħdu, għax kien jgħid il-verità, u din ġagħlet lit-tifla; u lir-raġel tagħha, li kif smajna fl-Evanġelju kien jaf “x’raġel tajjeb u qaddis kien Ġwanni”, ma riedx li joħroġ ta’ ħmar għall-kelma li ta – meta tiftakar dan kollu, titkexkex… Read more »

L-omelija tal-Isqof Joseph Galea-Curmi

“Bdew jitolbuh ħafna lil Ġesù biex iwarrab minn pajjiżhom.” Hekk naqraw li għamlu n-nies lejn l-aħħar ta’ dan ir-rakkont mill-Evanġelju skont San Mark. Hija talba mill-aktar ta’ niket fl-Evanġelju, li jitolbu lil Ġesù jwarrab. Dawn in-nies kienu raw jew semgħu dak li għamel Ġesù, u riduh jitlaq.

Ħadd ma kien għamel dak li għamel Ġesù. Kien hemm dan ir-raġel li kellu xitan, anzi l-Evanġelju jgħid “leġjun”, jiġifieri kellu ħafna spirti ħżiena fih; dan ir-raġel li kien vjolenti – rari ssib xi ħadd vjolenti daqshekk fl-Evanġelju – u li kien jagħmel ħsara lilu nnifsu wkoll, u kien emarġinat… Read more »

L-omelija tal-Isqof Joseph Galea-Curmi

“X’tagħlim ġdid mogħti bis-setgħa!” Dan kien il-kumment li għamlu n-nies li kienu ħdejn Ġesù dakinhar li hu daħal is-sinagoga u qagħad jgħallem hemm. Mill-ewwel impressjonahom. Kif semgħuh jgħallem, l-Evanġelju jgħid li baqgħu mistagħġbin bil-mod tat-tagħlim tiegħu, għax  kien jgħallimhom bħal wieħed li għandu s-setgħa, mhux bħall-kittieba. Imma aktar u aktar stagħġbu meta, kif naqraw fit-tieni parti tar-rakkont, Ġesù ħeles lil dak ir-raġel mill-ispirtu ħażin, u tah lura l-ħajja tiegħu libera… Read more »

L-omelija tal-Isqof Joseph Galea-Curmi

“Bla ma jaf kif”. Dan hu l-mod kif Ġesù jiddeskrivi dak li jiġri meta r-raġel jitfa’ ż-żerriegħa fl-art u din tinbet u tikber, tiżviluppa, bla ma jaf kif. U Ġesù juża din ix-xbieha biex ifisser kif taħdem is-Saltna ta’ Alla.

Hemm ħafna li jgħallimna Ġesù għal ħajjitna permezz ta’ dawn iż-żewġ parabboli. Juri kif iż-żerriegħa hija xi ħaġa żgħira, żgħira ħafna, imma għandha l-potenzjal li tikber u tiżviluppa f’xi ħaġa kbira jekk issib art tajba… Read more »

L-omelija tal-Isqof Joseph Galea-Curmi

“Ħrief qalb l-ilpup”. Dan hu l-kliem li juża Ġesù fl-Evanġelju llum biex ifisser il-mod kif id-dixxipli tiegħu jaqdu l-missjoni tagħhom. Hawnhekk jibgħat it-72 dixxiplu biex imorru tnejn tnejn f’kull belt u post fejn kien sejjer hu, u jgħidilhom li qed jibgħathom bħal “ħrief qalb l-ilpup”.

L-ewwel ħaġa fl-Evanġelju li jinsisti fuqha, u li hi tant importanti, hi l-ħtieġa tat-talb… Read more »