L-Arċidjoċesi ta’ Malta qed tippubblika direttivi dwar it-Tridu tal-Għid ta’ din is-sena, jiġifieri Ħamis ix-Xirka, il-Ġimgħa l-Kbira u Sibt il-Għid. Dan sabiex titħares is-saħħa tal-poplu billi jiġu osservati numru ta’ miżuri li jindirizzaw is-sitwazzjoni preżenti tal-pandemija. 

F’dawn il‑jiem importanti fil‑ħajja tan‑Nisrani, il‑knejjes ser ikunu miftuħa biss għal talb privat kif kien tħabbar fil‑bidu ta’ dan ix‑xahar. Għalhekk, fil‑ħin li l‑knisja tkun miftuħa għall‑pubbliku, mhux ser jiġi organizzat talb komunitarju jew xi attività reliġjuża. Iċ‑ċelebrazzjonijiet liturġiċi ta’ matul it‑Tridu tal‑Għid ser isiru mingħajr il‑preżenza tal‑pubbliku… Read more »

Għada l-Ġimgħa, 26 ta’ Marzu, Jum id‑Duluri, il‑quddies li jixxandar kuljum mill‑Isqfijiet se jsir mill‑Knisja ta’ Ġieżu, il‑Belt Valletta, fejn jinsabu meqjuma x‑xbihat devoti tal‑Kurċifiss mirakoluż u tad‑Duluri li s-soltu toħroġ f’pellegrinaġġ mat‑toroq tal‑Belt.

Il‑quddiesa tad‑9:30am segwita mit‑talba tar‑Rużarju se titmexxa mill‑Isqof Awżiljarju Joseph Galea‑Curmi. Il‑quddiesa tal‑5:30pm li wkoll se tkun segwita mit‑talba tar‑Rużarju se titmexxa mill‑Arċisqof Charles Jude Scicluna.

L‑Insara huma mistiedna jingħaqdu fit‑talb mal‑Isqfijiet waqt il‑quddies li ser jixxandar fuq TVM2, Knisja.mt u Newsbook.com.mt… Read more »