L-omelija tal-Isqof Joseph Galea-Curmi

Il-ġrajja ta’ Ġesù ttentat mix-xitan fid-deżert, mill-Evanġelju skont San Luqa, għandha ħafna x’tgħallimna għal ħajjitna, u hi ta’ dawl għalina aħna u nibdew dan iż-żmien tar-Randan, li hu żmien li għandu jgħinna biex nagħrfu aħjar min aħna u kif nistgħu nkunu aktar dak li l-Mulej iridna nkunu – żmien li jfakkarna li hu Ġesù Kristu li jsalvana.

Ried jiżvijah

Xi tfisser din il-ġrajja? … Read more »

L-omelija tal-Isqof Joseph Galea-Curmi

Fil-mistoqsija li d-dixxipli ta’ Ġwanni għamlu lil Ġesù, tolqotna ħafna l-ħeġġa tagħhom għall-prattika reliġjuża tas-sawm. Għalihom kienet parti importanti mill-ħajja reliġjuża, u għalhekk ħaduha bi kbira li huma u l-Fariżej kienu jsumu, imma d-dixxipli ta’ Ġesù ma kinux.

X’kienet id-diffikultà? Ma kinetx li huma jsumu; dik ħaġa tajba, fil-fatt kienet waħda mill-prattiċi reliġjużi importanti għall-ħajja tagħhom. Imma ħafna minnhom kienu jagħmlu dan bħala prattika reliġjuża li tidher minn barra – x’qed tara minn barra – imma mbagħad il-qalb kienet ’il bogħod minn Alla… Read more »

L-omelija tal-Isqof Joseph Galea-Curmi

“Qarras wiċċu u telaq b’qalbu sewda”. Dan hu li naqraw fl-Evanġelju llum, skont San Mark, fuq ir-raġel li mar jgħaġġel biex ikellem lil Ġesù, inxteħet għarkopptejh, u qallu: “x’għandi nagħmel biex nikseb il-ħajja ta’ dejjem?” Dar-raġel kien qed ifittex dak li tassew jista’ jimlielu qalbu. Ġesù lilu jagħmillu stedina. Meta r-raġel iwieġbu li l-kmandamenti segwihom, Ġesù jgħidlu: “mur, bigħ li għandek, agħtih lill-fqar, u jkollok teżor fis-sema; imbagħad ejja u imxi warajja”… Read more »

The protection of human life from the moment of conception and at every stage of its existence is a question of conviction, not convenience.

It should be a principle we embrace always, not because it is convenient at a particular time. Thus, when we are asked if we accept that life can be eliminated when it has just been conceived, our reply cannot be “no, because the people are not yet ready for this step” or “it is not the right moment, especially when we are close to an election”… Read more »

“Dak li għaqqad Alla ma għandux jifirdu l-bniedem.” Dan hu li qal Ġesù lill-Fariżej meta staqsewh jistax raġel jitlaq lil martu. Din kienet diskussjoni li kienu jagħmlu bejniethom: għal liema raġuni raġel jista’ jitlaq lil martu. U ġew jistaqsu lil Ġesù. Hawnhekk it-tweġiba ta’ Ġesù hi tweġiba mdawla mill-Kelma ta’ Alla, u jmur lura proprju fl-ewwel ktieb, il-Ġenesi, fejn għandna b’mod ċar dak li Alla ried mill-ħajja ta’ bejn il-mara u r-raġel – il-ħajja taż-żwieġ… Read more »

L-omelija tal-Isqof Joseph Galea-Curmi

“Inti Pietru, u fuq din il-blata jiena nibni l-Knisja tiegħi”. Dal-kliem qalu Ġesù lil Xmun. U żgur li tolqotna l-kelma “blata”, għax meta aħna naħsbu fi “blata” f’moħħna tiġi xi ħaġa soda, li tista’ sserraħ fuqha; imma mbagħad, meta naħsbu fi Xmun – għalih qed jgħid Ġesù “blata” – naraw bniedem li ma tantx kien “blata” fil-fatt. Fl-Evanġelju nsibuh bniedem ta’ qalb kbira, dejjem jipprova jitkellem hu għax iħobb verament lil Ġesù, imma ma tantx dejjem tista’ sserraħ fuqu… Read more »

L-omelija tal-Isqof Joseph Galea-Curmi

“Għinna u ħenn għalina”. Din kienet it-talba ħerqana li għamel lil Ġesù missier it-tifel li kellu fih spirtu ħażin, u li kien għadda minn ħafna tbatija – kemm it-tifel minn ċkunitu, kif ukoll il-missier minħabba s-sitwazzjoni kerha tat-tifel. L-Evanġelju jagħtina deskrizzjoni ta’ dak li għadda minnu t-tifel tul is-snin. Mhux ta’ b’xejn li missieru mar sab lid-dixxipli ta’ Ġesù biex jagħmlu xi ħaġa biex ifejquh… Read more »

L-omelija tal-Isqof Joseph Galea-Curmi

Hemm erba’ kelmiet sbieħ li Ġesù jgħid illum f’sentenza waħda: ħobbu, agħmlu l-ġid, bierku, itolbu. Immaġinaw kemm tkun sabiħa ħajjitna meta aħna nħobbu, nagħmlu l-ġid, inbierku, nitolbu!

Imma Ġesù jgħid ħafna aktar minn hekk. Għax meta jgħid lil min, barra minn dak li qal drabi oħra li nħobbu, nagħmlu l-ġid, inbierku, nitolbu għal kulħadd, hawnhekk jispeċifika lil min: lill-għedewwa tagħna, lil dawk li jobogħduna, lil dawk li jisħtuna, lil dawk li jżebilħuna… Read more »

L-omelija tal-Isqof Joseph Galea-Curmi

Hemm espressjoni li juża Ġesù llum fl-Evanġelju skont San Luqa li żgur tolqotna: “ħrief qalb l-ilpup”. Hekk jgħidilhom lit-72 dixxiplu li jibgħathom qablu tnejn tnejn f’kull belt u post fejn kien sejjer hu. Jgħidilhom: “Araw, qiegħed nibgħatkom bħal ħrief qalb l-ilpup”.

Ma tantx hi espressjoni li, mal-ewwel daqqa ta’ għajn, tagħmel kuraġġ; kemm għax meta tgħid “ilpup” l-ewwel ma tħoss hu biża’ u twerwir; u anke “ħrief”, qisu f’moħħok jiġi xi ħadd ċkejken u kwiet… Read more »

L-omelija tal-Isqof Joseph Galea-Curmi

Wieħed mill-kummenti li spiss nisimgħu hu li l-Knisja – meta ngħid il-Knisja, jiġifieri aħna lkoll li nemmnu fi Kristu – trid timxi maż-żminijiet. Dan hu veru f’ħafna affarijiet, li l-Knisja trid tagħraf tadatta dak li għandu jkun adattat għaż-żminijiet. Imma kultant dan il-kumment jingħad f’sens ieħor: jiġifieri li f’dak li aħna nemmnu, għandek tħares lejn kif in-nies qegħdin jgħixu, u timxi ma’ dan; jekk illum qed jaħsbu hekk, tibda taħseb bħalhom; jekk illum qed jgħixu hekk, tibda tagħmel bħalhom… Read more »