L-omelija tal-Arċisqof Charles Jude Scicluna

Ġesù jinkoraġġina li nobdu l-kmandamenti, imma jrid jgħallimna, forsi, tagħlima radikali importanti. Mhux kwistjoni biss x’tagħmel, imma l-qalb tiegħek fejn qiegħda? U bl-eżempji prattiċi, jitkellem dwar ir-rabja, dwar il-fedeltà, jitkellem dwar il-kelma li Alla jkun xhud tagħha. U jgħidilna mhux kwistjoni biss li ma toqtolx lil ħuk, imma jekk int tobogħdu, qalbek mhix fil-paċi, imħassra. Mhix kwistjoni biss li lil martek ma tibdilhiex ma’ ħaddieħor… Read more »

Ritratt: Service Dogs Malta Foundation

Eċċellenza, għeżież ħbieb,

Kemm hi ħaġa sabiħa li qed niċċelebraw din l-armonija bejn il-bniedem u l-ħlejqa. Il-klieb, bis-sensibbiltà, ix-xamm u l-preżenza tagħhom – kull min għandu kelb id-dar jifhem x’qed nipprova ngħid – mhux biss jgħallmuna imma wkoll jgħinuna.Jiena nibqa’ nammira kemm il-kelb iġib miegħu lealtà u fedeltà. Aħna qegħdin niċċelebraw dil-ħaġa wkoll.

Qegħdin niċċelebraw ukoll l-isforz tat-trainers, li ppreparaw lil dawn il-ħbieb tagħna, għax huma ħbieb tagħna dawn il-klieb, biex ikunu ta’ servizz… Read more »

Għadna kemm smajna tiġi proklamata paġna traġika mill-Evanġelju skont San Mark. Ġwanni l-Battista  kellu l-kuraġġ jitkellem il-verità lill-poter: kif nghidu b’esperessjoni qawwija bl-Ingliż: ‘He had the courage to speak truth to power’ u tilef rasu. Aħna bil-Malti meta ngħidu ‘tilef rasu’ nifhmu li bniedem jew siker f’xi passjoni, tista’ tkun il-poter jew ir-regħba, jew litteralment tilef rasu. Ġwanni l-Battista tilef rasu għax qatgħuhilu. Ftit ’il bogħod minn hawn għandna kapulavur ta’ Carvaggio, l-unika wieħed li ffirma, li jimmortalizza din ix-xena tremenda u traġika, tal-poter li quddiem il-verità m’għandux risposta oħra ħlief il-vjolenza… Read more »

L-omelija tal-Arċisqof Charles Jude Scicluna

Pawlu jgħaddi minn esperjenza ta’ dawl qawwi proprju f’nofsinhar; dawl eċċezzjonali, straordinarju, u sopranaturali. Il-moħħ u l-qalb tagħna llum imorru lejn Damasku fis-Sirja; u f’din il-festa, b’mod speċjali din is-sena, nitolbu ħafna għal dan il-pajjiż.

Damasku hija waħda mill-eqdem bliet fl-istorja taċ-ċiviltà umana. U mhux biss din il-festa tgħaqqadna ma’ Damasku, għax huwa l-post fejn saret il-konverżjoni tal-Appostlu Missierna; imma anke x-xbieha qaddisa tal-Madonna ta’ Damaxxena ta’ Damasku, li aħna nqimu fil-Belt Valletta, u li waslet Malta permezz ta’ familji Griegi-Kattoliċi, li ġew mal-Kavallieri fl-1530… Read more »

L-omelija tal-Arċisqof Charles Jude Scicluna

L-Evanġelju  li għadna kemm qrajna, jagħtina ħjiel fuq min hu Ġesù. Ġwanni l-Battista jsejjaħlu “Il-ħaruf ta’ Alla, li jneħħi d-dnub tad-dinja”, u fit-tmiem l-Evanġelju li għadna kemm qrajna, jinsisti: “dan hu l-Iben t’Alla, li ġej jgħammed bl-Ispirtu s-Santu” (ara Ġw 1:29-34). Din hija l-fidi li ħaddan San Lawrenz u li qed [GS1]  twasslu biex jagħti ħajtu. Jekk Ġwanni huwa xhud tal-identità ta’ Ġesù, u tal-qawwa tiegħu, hekk ukoll San Lawrenz… Read more »