News from the Church in Malta
Message by Archbishop Charles Jude Scicluna
It is a great pleasure to offer you my sincere greetings on this holy Christmas night. It is truly wonderful if we understand what we are telling each other when, throughout these holy days, we greet one another with ‘Happy Christmas’. We are recalling the birth of a baby; we are recalling the birth of God made man for you and me… Read more »
L-omelija tal-Arċisqof Charles Jude Scicluna
Marija għadha kemm semgħet lill-anġlu jgħidilha li l-Mulej kien qed jagħmlilha proposta: li hi tgħid ‘iva’ biex issir omm Alla. Tgħidlu: “Imma dan kif jista’ jkun? Ma nagħrafx raġel.” “Il-qawwa tal-Ispirtu tal-Mulej tgħattik. Għal Alla m’hemm xejn li ma jistax isir”. U l-anġlu, biex jikkonferma l-kliem tiegħu, jagħti lil Marija ta’ Nazaret sinjal. “Ara, il-qariba tiegħek Eliżabetta, dik li kienu jgħidu li ma jistax ikollha tfal, qiegħda fis-sitt xahar tat-tqala” (Lq 1:34.35.37)… Read more »
L-omelija tal-Arċisqof Charles Jude Scicluna
“Dakinhar jgħidu lil Ġerusalemm: “Tibżax, Sijon, tħallix idejk jintelqu: il-Mulej, Alla tiegħek, qiegħed f’nofsok… minħabba fik jithenna b’hena kbira, fi mħabbtu jġeddek, jinfexx minħabba fik f’għajjat ta’ ferħ, bħallikieku f’jum ta’ festa” (Sof 3:16-18). Għażiż Monsinjur Louis, Prepostu ġdid ta’ din il-parroċċa għażiża, wassal dan il-messaġġ lil poplu għażiż ta’ Birkirkara: “Tibżax, tħallix idejk jintelqu: il-Mulej, Alla tiegħek, qiegħed f’nofsok” (Sof 3:16-17)… Read more »
L-omelija tal-Arċisqof Charles Jude Scicluna
Tajjeb nieqfu ftit fuq l-aħħar frażi li jgħid Ġesù llum: “L-għerf ta’ Alla tawh raġun l-opri tiegħu stess” (Mt 11:19). Ħafna drabi Ġesù jinsisti: “jekk ma temmnux dak li ngħidilkom, araw dak li nagħmel”. Kieku jkollna ngħidu hekk, aħna! Lil min jgħidilna: “u inti tparla fil-vojt!”. Araw dak li nagħmel u tifhem dak li ngħid.
Ħaġa sabiħa dik li l-kliem tagħna jaqbel mal-ħajja tagħna għax dan li qed jgħid Ġesù: inti tara l-opri ta’ jdejn Alla u tifhem min hu, kemm iħobbna, kemm hu għaref, kemm hu kbir… Read more »
L-omelija tal-Arċisqof Charles Jude Scicluna
L-Evanġelju ta’ San Luqa li għadna kemm smajna, jiddeskrivi l-missjoni li jagħti Alla lill- Arkanġlu Gabrijel. Jibagħtu f’belt, “belt tal-Galilija, jisimha Nazaret” (Lq 1:26). Jibagħtu għand xebba, u din ix-xebba hi għarusa ta’ raġel “jismu Ġużeppi mid-dar ta’ David” (Lq 1:27). Innutaw, li l-ewwel deskrizzjoni tal-Madonna, mhux isimha, imma ta’ min kienet, “għand xebba, mgħarrsa ma’ raġel jismu Ġużeppi mid-dar ta’ David… Read more »
L-omelija tal-Arċisqof Charles Jude Scicluna
‘Nitlob li nimxi wara Kristu l-għarus tiegħi.’ Għeżiez Sr Matlene u Sr Anne Marie, hu dan li għadkom kemm tlabtu lill-Knisja, bit-tqegħid ta’ jdejkom f’idejn is-superjura tagħkom, il-Knisja tilqa’ l-impenn definittiv tagħkom f’din il-professjoni perpetwa. Li timxu wara Kristu hi li tilqgħu s-sejħa li għażlitkom waqt li tilqgħu l-ħarsa ta’ Ġesu fuqkom li hi ħarsa ta’ ħniena.
Aħna llum qegħdin nagħmlu festa kbira straordinarja, minn din il-ħarsa għax ħafna drabi meta nagħmlu festa tal-qaddisin u l-festi ta’ Sidtna Marija, donnu ninsew il-protagonista ewlieni ta’ dak li niċċelabraw li hu Alla… Read more »
L-omelija tal-Arċisqof Charles Jude Scicluna
Biex nipruvaw nifhmu t-tixbiha li jagħtina Ġesù llum, tajjeb ninnutaw kif jitkellem dwar Alla. “Hekk ukoll, anqas Missierkom li hu fis-semwwiet ma jrid li jintilef wieħed minn dawn iż-żgħar” (Mt 18:12).
Mela Alla għandu qalb ta’ missier għalina u biex nifhmu allura dan ir-raġel li jkollu 100 nagħġa u tintiliflu waħda minnhom, irridu nifhmu li dan ir-ragħaj hu missier, li għalih in-nagħaġ tiegħu huma wliedu… Read more »
L-omelija tal-Arċisqof Charles Jude Scicluna
“Inti ibqa’ miexi f’dak li tgħallimt u emmint bis-sħiħ, għax taf mingħand min tgħallimtu” (2Tim 3,14). Dan il-kliem joqgħod tajjeb ħafna fuq fomm raġel għaref, li kien ra dehra li kellha tindikalu, min kellu jkun l-isqof il-ġdid ta’ Mira. It-tradizzjoni kienet tgħidilna li l-ewwel żagħżugħ, l-ewwel raġel li jidħol fil-Knisja, kellu jkun l-isqof il-ġdid ta’ Mira. Dan ir-raġel għaref qagħad jistenna… Read more »
L-omelija tal-Arċisqof Charles Jude Scicluna
L-Evanġelju tal-lum huwa l-bidu tat-tielet kapitlu tal-Evanġelju ta’ San Luqa. L-ewwel żewġ kapitli se nisimgħuhom fil-ġimgħat li ġejjin għax huma l-ewwel u t-tieni kapitli tal-Evanġelju ta’ San Luqa li jitkellmu dwar it-tħabbira tat-twelid ta’ Ġwanni l-Battista, it-tħabbira tat-twelid ta’ Ġesù u t-twelid ta’ Ġesù. Imma t-tielet kapitlu jibda mill-ewwel b’dawk it-tliet snin li wasslu għall-predikazzjoni ta’ Ġesù, għall-mewt, u l-qawmien tiegħu mill-imwiet… Read more »
Il-President ta’ Malta George Vella u l-Arċisqof Charles Scicluna żaru l-uffiċini temporanji tal-Malta Community Chest Fund Foundation fil-Belt Valletta. L-Arċisqof qal li l-kontribut konkret tal-Knisja f’Malta b’solidarjetà mal-valuri tal-Community Chest Fund, hu appell biex kulħadd jikkopera u jagħti milli jista’.
Il-fondazzjoni kellha tiċċaqlaq minħabba l-proġett ta’ restawr li qed isir bħalissa minn Heritage Malta fil-Palazz tal-Gran Mastru, fejn għandha l-uffiċini uffiċjali tagħha fis-sular ta’ isfel… Read more »
