L-omelija tal-Arċisqof Charles Jude Scicluna

“Minħabba fl-għerf nikseb ħajja bla tmiem u nħalli lil ta’ warajja tifkira għal dejjem.” Meta kont qed nitlob fuq l-esperjenza li laqqgħatna ma’ Dun Vinċenz, ġewni dawn iż-żewġ kelmiet: bil-ħlewwa u bil-qawwa – ‘suaviter et fortiter‘ u fittixt ftit din l-espressjoni minn fejn ġejja. Skoprejt li ġejja mill-Ktieb tal-Għerf, mill-kapitlu 8, u bdejt naqra. U sibt ukoll fil-vers 13, dan il-vers li għadni kemm qrajtilkom: “Minħabba fl-għerf nikseb ħajja bla tmiem u nħalli lil ta’ warajja tifkira għal dejjem.”

Dun Vinċenz, sa minn żgħożitu, tħabbeb mal-għerf ta’ Alla… Read more »

L-omelija tal-Arċisqof Charles Jude Scicluna

Ġesù jitkellem fuqu nnifsu u jispjega min hu għalina jew min jixtieq li jkun għalina jekk aħna nħalluh. U juża x-xbieha sabiħa tar-ragħaj. Il-kliem tiegħu jfakkarna li bejn ir-ragħaj u l-merħla hemm relazzjoni ta’ mħabba li tispira fiduċja: “In-nagħaġ minn leħnu jisimgħu, u hu jsejjaħ in-nagħaġ tiegħu waħda waħda b’isimhom” (Ġw 10:3). U meta joħroġ il-merħla, jimxi quddiem u l-merħla timxi warajh… Read more »

Fil-bidu tas-seklu 19, Vincenzo Dimech tana din l-istatwa straordinarjament sabiħa ta’ San Publiju. U waqt li segwa l-ikonografija tradizzjonali tal-qaddis protos tagħna, libbsu kappa sabiħa minn lewn id-demm: id-demm tal-ħajja, tax-xhieda u tal-imħabba. Din is-sena l-parroċċa għażlet li tirrifletti fuq din il-kappa. Imma għalina l-kappa li liebes San Publiju fl-istatwa, hi tant għażiża mhix biss għall-Furjaniżi, imma għalina l-Maltin u l-Għawdxin. Din il-kappa, xi tfisser? … Read more »

L-omelija tal-Arċisqof Charles Jude Scicluna

Scimus Christum surrexisse a mortuis vere: tu nobis, victor Rex, miserere.

‘Aħna nafu li Kristu qam mill-mewt, verament. Inti, o Sultan Rebbieħ, ħenn għalina.’ Din hija t-talba li kantajna qabel l-Evanġelju fis-sekwenza tal-Għid illum. Poeżija straordinarjament sabiħa u antika, mużika tassew anġelika li tiġbor fiha l-fidi li qegħdin niċċelebraw illum: miet u fit-tielet jum qam mill-imwiet… Read more »

L-omelija tal-Arċisqof Charles Jude Scicluna

Għal darbtejn fl-Evanġelju li għadna kemm smajna, nisimgħu l-kliem: “Tibżgħu xejn” (Mt 28:5). L-anġlu lin-nisa li qed ifittxu katavru, jgħidilhom: “Tibżgħux xejn intom għax jien naf li qegħdin tfittxu lil Ġesù li kien imsallab. Mhuwiex hawn, għaliex qam, kif kien qal” (Mt 28:5-6). U Ġesù ukoll jgħid l-istess kelma lid-dixxipli: “Tibżgħu xejn; morru wasslu l-aħbar lil ħuti” (Mt 28:10).

Illum, f’dan il-lejl qaddis, il-biża’ jintrebaħ mill-imħabba… Read more »

L-omelija tal-Arċisqof Charles Jude Scicluna

“Iżda meta waslu għall-Ġesù, billi raw li kien diġa’ mejjet, ma kisrulux riġlejh. Madankollu wieħed mis-suldati nifidlu ġenbu b’lanza, u minnufih ħareġ demm u ilma. Dan qiegħed jixhdu min rah b’għajnejh, u x-xhieda tiegħu hija minnha. U jaf li qiegħed jgħid il-verità,  biex intom ukoll temmnu. Għax dan ġara biex isseħħ l-Iskrittura li tgħid: “Ebda waħda minn għadmu ma jkissrulu.” U hemm ukoll kitba oħra fl-Iskrittura li tgħid: “Huma għad iħarsu lejn min nifdu” (lq 24:13-35)… Read more »

L-omelija tal-Arċisqof Charles Jude Scicluna

It-talba li l-Knisja tagħmel fuqna lkoll llum hija talba ħerqana u profonda. L-ewwel nett lill-Mulej nfakkruh li hu kkonsagrana fl-Iben il-maħbub tiegħu. Inti kkonsagrajt lil Ibnek il-waħdieni bl-Ispirtu s-Santu. Fil-ħniena tiegħek għamel li aħna għandna sehem mill-konsagrazzjoni tiegħu. Ġesù stess japplika l-profezija ta’ Iżaija għalih nnifsu. “Il-Mulej ikkonsagrani” (Iż 13:3) u aħna llum qegħdin hawn biex niftakru nirringrazzjaw lil Alla tas-sejħa li jkollna sehem mill-konsagrazzjoni tiegħu… Read more »