L-omelija tal-Arċisqof Charles Jude Scicluna
Ġesù jilmenta meta jara li l-Fariżej qed jgħixu ħajja li ma taqbilx mal-kliem tagħhom. Imma lil kull wieħed u waħda minna jagħtina kelma li jiena nħoss tagħmlilna kuraġġ. Agħmlu karità, ħudu ħsieb xulxin u qalbkom tindaf. Aħna lkoll mtaqqlin bid-difetti tagħna, bl-esperjenzi li weġġgħuna, bil-limitazzjonijiet tagħna. Il-Mulej qed jagħtina triq li tassew qed twassalna għas-safa. Agħmlu karità, ħudu ħsieb xulxin u qalbkom tindaf.
Għeżież Żabbarin, intom inġbartu hawnhekk bi ħġarkom, mhux biss turu s- solidarjetà bħalma għamiltu 50 sena ilu, mhux biss mal-familja ta’ Vincenza Zammit, imma wkoll ma’ tant nies li ntlaqtu mit-traġedja li qegħdin nikkommemoraw, imma wkoll qegħdin hawnhekk biex turu li l-memorja għadha ħajja u għadu wkoll ħaj l-ispirtu ta’ komunità, l-ispirtu li nieħdu ħsieb xulxin. Jista’ jkun li mimlijin bid-difetti lkoll kemm aħna. Imma jekk niżguraw li nieħdu ħsieb xulxin meta b’mod speċjali meta bħal sajjetta fil-bnazzi, bħalma ġara bħal-lum 50 sena ilu, nintlaqtu minn traġedja, jekk nieħdu ħsieb xulxin, nuru tassew min aħna.
I would like to thank all those who made the trip to Malta, to be with us, as we commemorate what happened 50 years ago, as we remember Vincenza Zammit, but also our dear brothers: Squadron Leader David Beeden, aged 38; Flight Lieutenant Gordon Anthony Pulman, aged 34; Flight Lieutenant Ernest Stanley Lambert, aged 42; Chief Technician Thomas Gordon Barrow, aged 39; and Sgt Peter John Atkins aged 31.
Young men, who left their lives here and became parts of our history, although tragic. But they were also family men who gave their lives for their country and the quest for a never-abusive peace.
We’re here not only to show solidarity and remember the dead, but also to pay tribute to so many people around the world who give their lives for our security.
And we’re here not only to show solidarity and remember the dead, but also to pay tribute to so many people around the world who give their lives for our security. It is not easy. It is dangerous and fraught with peril. But we need the sense of security that dear men and women of the forces, you give us.
Aħna l-Maltin, għandna esperjenza qawwija ta’ traġedja, imma anke ta’ solidarjetà. Waqt li nitolbu l-interċessjoni tal-Madonna tal-Grazzja, nitolbu wkoll li aħna nibqgħu dak li aħna. Aħna nafu ’l xulxin bħala nies li kultant nargumentaw bejnietna, ejja ngħiduha kif inhi, u kultant ikollna xi ngħidu. Imma meta jiġi l-mument tal-prova, l-esperjenza ta’ kull wieħed u waħda minna, li aħna ningħaqdu, kulħadd jagħti daqqa t’id, u jgħin kif jista’.
Il-Mulej qed jagħtina triq li tassew qed twassalna għas-safa.
It-traġedja hija dejjem traġedja. L-ebda kelma ma tista’ tneħħi t-traġedja ta’ dak li ġara. Imma hemm bżonn ukoll nieqfu fuq tant nies li fil-mument tal-prova ġrew biex jagħtu l-għajnuna. Urew solidarjetà. Urew wkoll li aħna għalkemm mimlijin difetti, nafu jkollna qalb kbira wkoll. U din il-memorja, din il-kommemorazzjoni, hija xhieda ta’ din il-ħaġa.
Jalla Ħaż-Żabbar, meta jiftakar f’dak li ġara 50 sena ilu, ma jiftakarx biss fil-vittmi, jibkihom u jitlob għalihom, imma jiftakar ukoll, li jiġri x’jiġri, aħna msejħin biex inkunu poplu wieħed, qalb waħda.
✠ Charles Jude Scicluna
Arċisqof ta’ Malta
Qari tal-quddiesa
Qari I: Rum 1:16-25
Salm: 18 (19):2-3,4-5
L-Evanġelju: Lq 11:37-41