Il-Fakultà tat-Teoloġija fl-Università ta’ Malta ser toffri żewġ korsijiet ġodda fuq livell ta’ Master of Arts. Il-kors MA in Catholic School Leadership jindirizza t-tmexxija tal-iskejjel tal-Knisja, filwaqt li l-kors MA in Christian Faith Formation hu aktar ġeneriku u jindirizza l-ethos Kattoliku tal-iskejjel tal-Knisja. Dawn iż-żewġ korsijiet se jiġu offruti minn Ottubru li ġej, fuq bażi part-time.
Il-kors MA in Catholic School Leadership huwa wkoll approvat mid-Direttorati għall-Edukazzjoni u jissodisfa l-kriterji mitluba mill-Istat għall-kariga ta’ Kap ta’ Skola.
Il-Fakultà tat-Teoloġija dejjem fittxet li tkun ta’ servizz għall-Knisja f’Malta u għas-soċjetà Maltija, b’mod speċjali billi twieġeb għas-sinjali taż-żminijiet u toħloq korsijiet ta’ studju fuq livell universitarju b’mod pro-attiv.
F’dan id-dawl, il-Fakultà tat-Teoloġija se toffri wkoll numru ta’ korsijiet oħra minn Ottubru li ġej:
BA (Hons) Theology
BA (Hons) Theology with a Subsidiary Area
BA Theology and Human Studies
Bachelor of Sacred Theology
Diploma in Religious Studies
Licentiate in Sacred Theology
MA in Bioethics
MA in Family Ministry
MA in Matrimonial Canon Law and Jurisprudence
MA of Arts in Theology
MA in Religious Studies
MA in Youth Ministry
Postgraduate Diploma in Pastoral Psychology
Doctor of Philosophy
Doctor of Sacred Theology
