Il-messaġġ tal-Arċisqof Charles Jude Scicluna
L-ewwel nett nixtieq irrid nirringrazzja ħafna lis-Soċjetà li stednitna hawnhekk illum fil-kuntest tal-Ġublew tat-Tama biex niċċelebraw ukoll lil dan is-saċerdot qaddis.
Huwa frott ta’ żmienu bħalma aħna frott ta’ żmienna. Sar qaddis fi żmienu. Aħna rridu nsiru qaddisin fi żmienna. Hemm xi ħaġa li tirrikorri fit-talb tiegħu li hija l-kelma ‘imħabba’.
Jalla aħna fil-vokazzjoni li għandna, kull wieħed minnha, inkunu ‘imħabba’: imħabba safja, imħabba totali, imħabba ta’ għotja, imħabba ta’ servizz. U dan nitlob fuqu: li nkunu qaddejja tal-poplu t’Alla bl-entużjażmu ta’ min iħobb, bl-entużjażmu ta’ min ma jfittixx lilu nnifsu imma f’Alla jsib il-ħniena tiegħu u allura jkollu wkoll l-umiltà jħenn.
Li kull wieħed minnha, inkunu ‘imħabba’: imħabba safja, imħabba totali, imħabba ta’ għotja, imħabba ta’ servizz.
Il-kelma li smajna tal-fundatur tagħmel ħafna sens. Hemm ħafna qaddisin fil-ġenna kollu frott tal-ħniena t’Alla.
Dik it-triq tagħna l-aħwa; il-ħniena tiegħu.
✠ Charles Jude Scicluna
Arċisqof ta’ Malta
