• Il-maratona Oħloq Tbissima, maratona ta’ 60 siegħa xandir live b’risq is-Soċjetà Missjunarja ta’ San Pawl (MSSP) intemmet biċ-ċifra ta’ €164,067.

    Matul is-60 siegħa, il-pubbliku ipparteċipa f’Quddies, rużarju u mumenti oħra ta’ talb. Segwa wkoll filmati esklussivi, li wrew il-bżonnijiet kbar li hemm u kemm qed isir ġid b’din il-ħidma missjunarja.  Il-programm inkluda diskussjonijiet, intervisti, kant u żfin, logħob, il-banda tal-Forzi Armati ta’ Malta u anke l-banda tal-Pulizija u diversi attivitajiet immirati biex jolqtu l-gosti tal-familja kollha.

    Hekk kif is-16-il edizzjoni tal-maratona Oħloq Tbissima ġiet fi tmiemha, Fr Louis Mallia MSSP, irringrazzja lil kull min kien parti minn din l-esperjenza b’risq tant nies li d-dinjità li qed nagħtuhom aħna toffrilhom sens ta’ tama u mħabba. 

    Minn naħa tagħha, Marthese Brincat irringrazzjat li kull min b’xi mod jew ieħor ta sehmu u l-kontribut tagħhom biex din il-maratona kienet possibbli.

    Oħloq Tbissima xxandret fuq TVM2 b’kollegamenti ma’ ONE TV u NET TV.  Minn ħin għal ħin, kien hemm ukoll kollegamenti mal-istazzjonijiet lokali tar-radju. 

    Kull min jixtieq għadu jista’ jagħti d-donazzjoni tiegħu billi jċempel fuq: 

    €10                  51602004
    €15                  51702007
    €25                  51802009
    SMS €4.66      50618099

    Pledge Line:  21445544 (għal donazzjonijet ta’ €100 jew aktar) jew donazzjoni online fuq:  www.ohloqtbissima.com

     

  • Ritratti: Kurja – knisja.org.mt/ritratti u Maratona Oħloq Tbissima