Il-Qdusija Tiegħu l-Papa Franġisku llum, 17 ta’ Novembru 2016, ħabbar l-għażla ta’ Mons Ġorġ Frendo O.P. Isqof Awżiljarju ta’ Tirana – Durres, bħala Arċisqof tal-istess Djoċesi, jiġifieri Tirana – Durres ġewwa l-Albanija. Il-ħatra uffiċjali tiegħu ser issir nhar is-Sibt 3 ta`’Diċembru 2016, fil-Katidral ta` San Pawl ġewwa Triana l-Albanija.

Mons George Frendo (isem tal-magħmudija Anthony) twieled Ħal Qormi, l-ħames minn sebat’ aħwa, fl-4 ta’ April 1946…

Il‑Knisja f’Malta ser tlaqqa’ l‑Assemblea Djoċesana nhar il‑Ġimgħa 18 u s‑Sibt 19 ta’ Novembru 2016, fil‑Katekumenju, il‑Mosta.

Il‑laqgħa annwali ser tiffoka fuq il‑konverżjoni għall-pastorali tal‑ħniena, li l-Papa Franġisku tant qed jisħaq fuqha. Il‑Ġimgħa filgħaxija, Fr Kevin Schembri u Dr Anna Vella ser jagħmlu preżentazzjoni ta’ din it-tema. Is‑Sibt filgħodu, l-Arċisqof Charles J. Scicluna ser jispjega l‑viżjoni tiegħu għall‑Knisja f’Malta dwar it-tema tal-konverżjoni għall-pastorali tal-ħniena…

Ir‑Regolamenti għad‑Dħul fl‑Iskejjel tal‑Knisja għas‑sena skolastika 2017‑2018 ġew ippublikati fuq din il‑websajt (agħfas hawn). B’kollox ser ikun hemm total ta’ 1,564 post vakanti. L‑applikazzjonijiet jistgħu jsiru jew onlajn minn nhar l-Erbgħa 16 ta’ Novembru 2016, jew f’waħda minn diversi skejjel tal‑Knisja bejn Novembru 2016 u Frar 2017 kif indikat fir-regolamenti. Il‑proċess tad‑dħul fl‑iskejjel tal‑Knisja jiddetermina d‑dħul fl‑ewwel u t‑tieni sena kindergarten, fl‑ewwel sena primarja u fl‑ewwel sena sekondarja…

• L‑Arċisqof Charles J. Scicluna ħatar lil Dun Albert Buhagiar bħala Rettur tas‑Seminarju tal‑Arċisqof, Tal‑Virtù.

  Dun Albert Buhagiar twieled fid‑19 ta’ Awwissu 1964. Irċieva l‑edukazzjoni tiegħu fl‑iskola Primarja ta’ Raħal Ġdid, il‑Kulleġġ tal‑Karmelitani, Santa Venera, u l‑Kulleġġ De La Salle, il‑Birgu. Kompla l‑istudji terzjarji fil‑Filosofija u t‑Teoloġija, fl‑Università ta’ Malta.

  Dun Albert ġie ordnat saċerdot fit‑2 ta’ Lulju 1993…

319‑il persuna temmew b’suċċess wieħed minn 10 korsijiet li ġew offruti matul l‑aħħar sena akkademika mill‑Istitut ta’ Formazzjoni Pastorali flimkien ma’ entitajiet oħra tal‑Knisja f’Malta. Iċ‑ċerimonja annwali tal‑gradwazzjoni saret nhar it‑Tlieta 8 ta’ Novembru 2016, fil‑Knisja ta’ San Duminku, ir‑Rabat, u tmexxiet mill‑Vigarju Ġenerali Mons. Joe Galea Curmi. Iċ‑ċerimonja bdiet b’Quddiesa ta’ ringrazzjament, u wara saret il‑preżentazzjoni taċ‑ċertifikati.

Il‑korsijiet li temmew il‑parteċipanti kienu tar‑raba’, il‑ħames u s‑sitt livell tal‑Malta Qualifications Framework (MQF) u tal‑European Qualifications Framework (EQF), fl‑oqsma tal‑Familja, it‑Tagħlim Soċjali tal‑Knisja, it‑Teoloġija, l‑Ispiritwalità Franġiskana, l‑Evanġelizzazjoni, il‑Liturġija, il‑ħidma mal‑Adoloxxenti u ż‑Żgħażagħ, l‑istudji fl‑Ispiritwalità Karmelitana u l‑istudju tal‑Bibbja…