L-omelija tal-Isqof Joseph Galea-Curmi

“Ordna li dawn iż-żewġ uliedi joqogħdu wieħed fuq il-lemin tiegħek u l-ieħor fuq ix-xellug fis-Saltna tiegħek” (Mt 20:21). Din hija t-talba li omm għamlet lil Ġesù, u nifhmuha! Kienet tiġi omm Ġakbu u Ġwanni – kellha din l-ambizzjoni għal uliedha. U nifhmu, għaliex bħala omm riedet l-aħjar għal uliedha; anke jekk ma kinux għadhom tfal, imma riedet tagħtihom l-aħjar. 

Imma Ġesù fehem li din l-ambizzjoni, għalkemm ħierġa verament mill-imħabba, ma taqbilx mas-Saltna t’Alla… Read more »

L-omelija tal-Isqof Joseph Galea-Curmi

Il-Papa Franġisku sejjaħ lil Santa Marija Maddalena “appostlu tal-appostli”. Fil-fatt, ħa l-istess frażi li kien uża snin ilu San Tumas ta’ Aquino biex jiddeskrivi l-qaddisa. Il-Papa Franġisku għen biex aħna nerġgħu niskopru ħafna aktar il-valur ta’ din il-qaddisa għal żminijietna.

Għal ħafna snin kien hemm l-idea li Marija Maddalena kienet midinba magħrufa li mbagħad Ġesù kkonvertiha. Imma maż-żmien skoprew li fil-fatt din kienet idea li tgħaqqad flimkien tnejn min-nies – lil Marija Maddalena, u lil dik il-mara li kienet midinba magħrufa u marret darba minnhom u xarrbet saqajn Ġesù bi dmugħha u xxuttathomlu b’xagħarha, il-mara li fuqha Ġesù kien qal: “dnubietha, li kienu ħafna, inħafrulha għax ħabbet ħafna” (Lq 7:47).  Imkien ma hemm fl-Evanġelju li din kienet l-istess persuna u, fil-fatt, ħafna jsostnu li Marija Maddalena hi mara oħra… Read more »

L-omelija tal-Isqof Joseph Galea-Curmi

“Niżlet bilqiegħda f’riġlejn il-Mulej tisimgħu x’kien qiegħed jgħid” (Lq 10:39). F’din is-sentenza għandna l-iktar messaġġ importanti f’dan ir-rakkont ta’ meta Ġesù mar iżur lil Marta u Marija. Ħa naraw ftit dak li nitgħallmu minn dan ir-rakkont. 

Ospitalità u bżulija

L-ewwel nett għandna lil Marta li kienet persuna ta’ ospitalità kbira – lesta tilqa’ lin-nies. Fil-fatt, l-Evanġelju jgħid li lil Ġesù: “laqgħetu għandha waħda mara jisimha Marta” (Lq 10:38)… Read more »

L-omelija tal-Isqof Joseph Galea-Curmi

“Nisel ħażin u infidil” (Mt 12:39). Dan hu l-kliem li, kif rajna fl-Evanġelju skont San Mattew, Ġesù jgħid lill-kittieb u lill-Fariżej. Hu kliem iebes dan, kliem aħrax! Speċjalment meta tara t-talba li għamlu huma, li għall-bidu tidher talba magħmula b’edukazzjoni: “Xtaqna kieku naraw sinjal mingħandek” (Mt 12:38). 

Għaliex din ir-reazzjoni ta’ Ġesù? Għax, fil-fatt, jekk tara dan li jiġi qabel dis-silta minn San Mattew, tara li Ġesù kien għamel diversi sinjali… Read more »

L-omelija tal-Isqof Joseph Galea-Curmi

“Tikkundannaw lil min hu bla ħtija” (Mt 12:7). Dan hu l-kliem li jgħid Ġesù lill-Fariżej – hi akkuża li qed jagħmlilhom – meta huma għamlu lment fuq id-dixxipli tiegħu. Ġesù kien għaddej bil-mixi minn għalqa miżrugħa, u d-dixxipli tiegħu, billi ħadhom il-ġuħ, bdew jaqtgħu s-sbul mill-għalqa, u jikluh. U l-Fariżej ilmentaw ma’ Ġesù fuq dak li kienu qed jagħmlu d-dixxipli. Ma kienx minħabba li huma kienu qegħdin jaqtgħu s-sbul mill-għalqa u jikluh, għax dak kien permess mil-liġi Lhudija (Dewt 23:25), imma għax dan kien qed jagħmluh f’Jum is-Sibt… Read more »

Homily by Bishop Joseph Galea-Curmi

Dear brothers and sisters,
especially you who have successfully completed courses in the Pastoral Formation Institute,

Today, in the heart of this Eucharistic celebration, we are blessed to hear the voice of Jesus echo with tenderness and deep understanding: “Come to me, all you who labour and are burdened, and I will give you rest” (Mt 11:28)… Read more »

L-omelija tal-Isqof Joseph Galea-Curmi

“Mgħallem, x’nagħmel biex niret il-ħajja ta’ dejjem?” (Lq 10:25). Din hija l-mistoqsija li għamel wieħed għaref fil-Liġi lil Ġesù u, bis-saħħa ta’ din il-mistoqsija, Ġesù mbagħad qal l-istorja li hija tant magħrufa u tant qawwija wkoll: tas-Samaritan it-Tajjeb. Dal-bniedem ried ikun jaf x’jagħmel biex jiret il-ħajja ta’ dejjem, u Ġesù, flok daħal f’ħafna diskussjonijiet miegħu biex jispjegalu, qallu storja tassew sabiħa u qawwija li tagħti messaġġ mhux biss lil dan, imma lilna lkoll… Read more »

L-omelija tal-Isqof Joseph Galea-Curmi

“Ut in omnibus glorificetur Deus”. Dawn il-kelmiet bil-Latin insibuhom fil-Prologu tar-Regola ta’ San Benedittu. U jfissru: “Biex f’kollox ikun igglorifikat Alla”. Dan hu, fil-fatt, l-essenzjal tal-ħidma kolha ta’ San Benedittu, u huwa dak li jmexxi wkoll il-ħidma li ssir illum mill-Benedittini, li waqqaf San Benedittu, fid-diversi monasteri tagħhom. Aħna llum qegħdin nagħtu ġieh lil dan il-qaddis kbir, li hu wieħed mill-patruni tal-Ewropa – kien għamlu patrun il-Papa Pawlu VI – u missier il-monastiċismu tal-Punent, u ta kontribut kbir għaċ-ċiviltà u għall-kultura tal-Punent… Read more »

L-omelija tal-Isqof Joseph Galea-Curmi

“Qabdu jiddieħku bih” (Mt 9:24). Dan hu li naqraw f’din l-istorja mill-Evanġelju skont San Mattew, li tirrakkontalna anzi żewġ stejjer flimkien: il-fejqan tal-mara li kienet ilha tnax-il sena tbati mit-tnixxija tad-demm, u l-qawmien għall-ħajja tat-tifla ta’ wieħed mill-kapijiet. Ħa naraw ftit din il-ġrajja, u nħarsu lejn dawn in-nies li resqu lejn Ġesù, kif ukoll lejn Ġesù nnifsu.

L-ewwel nett, wieħed mill-kapijiet li mar ikellem lil Ġesù, inxteħet f’riġlejh, u qallu: “Binti iss’issa għadha kemm mietet… Read more »

Photo: CatholicTT L-omelija tal-Isqof Joseph Galea-Curmi

“Araw qiegħed nibgħatkom bħal ħrief qalb l-ilpup” (Lq 10:3). Dan hu l-kliem ta’ Ġesù lit-tnejn u sebgħin dixxiplu li għażel, u li bagħathom biex imorru “qablu f’kull belt u post fejn kien se jmur hu” (Lq 10:1). Jagħtihom diversi struzzjonijiet, imma jgħidilhom ukoll li qed jibgħathom “bħal ħrief qalb l-ilpup”.

Xi jfisser dan il-kliem li jgħid Ġesù? … Read more »