L-omelija tal-Isqof Joseph Galea-Curmi

“Il-proxxmu tiegħi min hu?” (Lq 10:29). Din hija l-mistoqsija li għamel l-għaref fil-liġi lil Ġesù, meta kien fisser tajjeb li l-aqwa fil-liġi kollha hija l-imħabba lejn Alla “b’qalbek kollha, b’ruħek kollha, bil-qawwa tiegħek kollha, u b’moħħok kollu, u l-proxxmu tiegħek bħalek innifsek” (Lq 10:27). Din kienet it-tweġiba li ta l-istess għaref fil-liġi, u għamel tajjeb għax għaqqad flimkien dak li kien hemm fil-Ktieb tad-Dewteronomju u fil-Ktieb tal-Levitiku, għaqqadhom flimkien kif kien għamel Ġesù stess li jgħid: dan hu l-aqwa kmandament, it-tnejn flimkien… Read more »

L-omelija tal-Isqof Joseph Galea-Curmi

“Se nibgħat anġlu quddiemek biex iħarsek fit-triq” (Eżodu 23:20). Dan hu li smajna llum fl-Ewwel Qari, mill-Ktieb tal-Eżodu, u jispjega b’mod tajjeb ħafna x’jiġifieri meta nagħmlu l-festa tal-Anġli Kustodji. “Kustodju” jfisser li jħarisna, u l-festa llum hi ta’ dawn l-anġli li l-Mulej jibgħat lilna f’ħajjitna biex iħarsuna. Ġesù jsemmi fl-Evanġelju anke l-anġli tat-tfal iż-żgħar (ara Mt 18:10). U għalhekk tajjeb li llum naraw: x’funzjoni għandhom dawn l-anġli? … Read more »

Ritratt: Matthew Cutajar L-omelija tal-Isqof Joseph Galea-Curmi

F’dan il-Jum Internazzjonali tal-Anzjani, il-Knisja tistedinna nħarsu bi gratitudni u b’għożża lejn l-anzjani bħala rigal. Nirringrazzjaw lil Alla għall-ħajja ta’ ħutna l-anzjani: għas-snin li għexu, għas-sagrifiċċji tagħhom, għall-fidi tagħhom, għall-għerf tagħhom, għall-memorji tagħhom, u għall-imħabba kollha li taw lill-familji u lill-komunitajiet tagħhom.

Hi okkażjoni sabiħa llum li ngħaqqdu din iċ-ċelebrazzjoni mat-tmenin anniversarju tal-Vassallo Group, li jaf il-bidu tiegħu fl-1946… Read more »

L-omelija tal-Isqof Joseph Galea-Curmi

“Qamet kwestjoni bejn id-dixxipli dwar min kien l-akbar fosthom” (Lq 9:46). Hekk naqraw illum fl-Evanġelju skont San Luqa. Din il-kwestjoni kienet bejn id-dixxipli, imma Ġesù “għaraf x’kellhom f’moħħhom” (Lq 9:47).  Min jaf x’dispjaċir kellu! Għax jekk kien hemm xi ħaġa li ried kontinwament iwasslilhom lid-dixxipli tiegħu, hu li ma jfittxux min hu l-akbar, min hu superjuri, min jiddomina, imma li għandhom ifittxu li jservu, li jaqdu… Read more »

Photo: Ian Noel Pace – Archdiocese of Malta Message by Bishop Joseph Galea-Curmi

Your Excellency, the Ambassador of France to Malta,

Dear ladies and gentlemen,

Many thanks to the Embassy of France to Malta for having organised this exhibition entitled Refuge and Reconstruction, together with the Migrants Commission, SkateUni and Spark15, and in collaboration with the Archbishop’s Delegate for Culture and MELA… Read more »

Homily by Bishop Joseph Galea-Curmi

There is something very familiar about the Gospel we have just heard. The workers who have been in the vineyard since early morning look at those who have arrived only at the last hour, and they think: “That isn’t fair”. And if we are honest, we can understand them. We know what it is like to work hard, to give our time and energy, and then to see someone else receive the same reward with apparently much less effort… Read more »

L-omelija tal-Isqof Joseph Galea-Curmi

Għada hija ġurnata ta’ ferħ kbir u ta’ ringrazzjament għall-komunità tal-Parroċċa tar-Rabat. Tliet mitt sena mill-konsagrazzjoni ta’ din il-knisja jfissru tliet sekli ta’ talb, ta’ ħidma, ta’ sagrifiċċju; ta’ fidi, tama u mħabba.

Għal tliet mitt sena, nies minn ġenerazzjoni għal oħra daħlu minn dawn il-bibien iġorru magħhom il-ferħ u n-niket tagħhom.  Ġenerazzjoni wara oħra ġiet hawn biex tiltaqa’ mal-Mulej, biex tisma’ l-Kelma tiegħu, tiċċelebra s-Sagramenti, u tagħti qima waqt li tinbena bħala komunità madwar l-Ewkaristija… Read more »

L-omelija tal-Isqof Joseph Galea-Curmi

Hija tassew speċjali li niċċelebraw, din is-sena, it-tmien mitt anniversarju mill-mewt ta’ San Franġisk ta’ Assisi fl-1226. Tmien mitt sena minn meta hu għadda minn din id-dinja għal għand il-Mulej. U madankollu, wara tmien sekli, ismu għadu ħaj, il-ħajja tiegħu għadha tkellimna, u l-messaġġ tiegħu għadu jolqot il-qalb tal-bniedem tal-lum. U l-mistoqsija li għandna nagħmlu llum hija: x’jgħidilna San Franġisk illum? … Read more »

L-omelija tal-Isqof Joseph Galea-Curmi

“Kellu miegħu t-tnax u xi nisa” (Lq 8:1-2). Dan hu l-kwadru li jippreżentalna l-Evanġelju llum ta’ Ġesù, huwa u jdur l-ibliet u l-irħula, jippriedka u jxandar l-Evanġelju tas-Saltna ta’ Alla. U mal-ewwel tolqotna l-enfasi li jagħmel San Luqa li, flimkien mat-tnax, kien hemm fost id-dixxipli wkoll xi nisa – li hawnhekk isemmi l-isem ta’ xi wħud minnhom, bħal Marija ta’ Magdala, Ġwanna u Susanna, u ħafna oħrajn… Read more »

L-omelija tal-Isqof Joseph Galea-Curmi

“Hekk jeħtieġ li jkun merfugħ bin il-bniedem” (Ġw 3:14). Dan huwa l-kliem li sema’ Nikodemu mingħand Ġesù, meta mar biex jiltaqa’ miegħu. Jien ngħid: min jaf x’fehem dak inhar! Għax Nikodemu mar, u mar bil-lejl, biex jista’ jistaqsi lil Ġesù u jkun miegħu, għax ra li fih, f’Ġesù, kien hemm xi ħaġa speċjali. Kontra sħabu, il-Fariżej, li kontinwament kienu qegħdin jostakolaw lil Ġesù… Read more »