L-omelija tal-Isqof Joseph Galea-Curmi

“Kulħadd jgħaffeġ fuq xulxin” (Lq 12:1). Dan hu li nsibu fl-Evanġelju llum fuq in-nies – kotra kbira ta’ nies marret biex tisma’ lil Ġesù, jew biex tkun fejnu, biex tarah. Imma qalb dawn in-nies kollha, għandna dak li Ġesù jgħid lid-dixxipli tiegħu biex jagħtihom tassew direzzjoni kif għandhom jimxu bħala dixxipli tiegħu. Isemmi diversi punti. Ħa nsemmi xi punti li jgħid Ġesù lid-dixxipli tiegħu fl-Evanġelju llum, u li jgħoddu ħafna għall-ħajja tagħna… Read more »

Photo: Aleteia L-omelija tal-Isqof Joseph Galea-Curmi

“Int u dieħel f’dan it-tempju, ftakar li hu mbierek mill-Mulej u fih Marija għażlet li tagħmel id-dar tagħha”. Din hi x’tgħid l-iskrizzjoni, li hi bil-Latin, li hemm int u dieħel f’din il-knisja. Tfisser b’mod sabiħ ħafna dak li hi għalina l-knisja li fiha niltaqgħu flimkien.

Titlu li jidher stramb

Qed niċċelebraw il-Festa tal-Madonna tal-Ħerba f’din il-knisja ddedikata lilha… Read more »

Ritratt: AFM Public Affairs Office L-omelija tal-Isqof Joseph Galea-Curmi

“Resaq fuqu wieħed ċenturjun” (Mt 8:5). Dan hu li naqraw fl-Evanġelju skont San Mattew, li għadna kif smajna llum. Ma kinetx ħaġa komuni fil-ħajja ta’ Ġesù u fil-ħidma tiegħu li jersaq lejh ċenturjun, wisq inqas li jersaq lejh għax ried xi ħaġa mingħandu.

Resaq biex jitolbu

Dan iċ-ċenturjun kien bniedem ta’ dixxiplina… Read more »

L-omelija tal-Isqof Joseph Galea-Curmi

“Irid sinjal” (Lq 11:29). Dan hu li jgħid Ġesù fuq nies li jsejħilhom “nisel ħażin”. Mal-ewwel jolqotna kemm dan huwa kliem iebes. Għaliex qed jitkellem b’dal-mod Ġesù? Għax dawn in-nies li riedu sinjal kellhom, fil-fatt, tant sinjali fil-ħajja ta’ Ġesù. Jekk aħna naqraw qabel din is-silta skont San Luqa, anke l-kapitli ta’ qabel, naraw diversi mirakli li għamel Ġesù – kien hemm wieħed li ħelsu mix-xitan, ieħor minn spirtu mniġġes, fejjaq il-morda, u tant sinjali oħra… Read more »

L-omelija tal-Isqof Joseph Galea-Curmi

“Bis-saħħa ta’ Alla” (Lq 11:20). Dan huwa l-kliem li juża Ġesù biex jiddeskrivi dak li kien qed jagħmel. Ftit qabel, kien ħeles lil bniedem minn xitan. U jgħid dan proprju minħabba li wħud min-nies, meta hu għamel dan il-miraklu, flok stagħġbu bil-miraklu jew irringrazzjaw lil Alla, jew ferħu li bniedem li kien maħkum mix-xitan issa nħeles, qalu fuq Ġesù li dak li kien qed jagħmel qed jagħmlu bis-saħħa tax-xitan, anzi “bis-saħħa ta’ Begħelżebul il-prinċep tax-xjaten” (Lq 11:15)… Read more »

Photo: Ian Noel Pace – Arċidjoċesi ta’ Malta

When Pope Francis published Laudato Si’ ten years ago, he offered the world not only an encyclical, but a prophetic call – a cry of both the earth and the poor. He reminded us that “everything is connected” (Laudato Si’, 91), that the ecological crisis is not separate from the moral, social, and spiritual crises of our age… Read more »

L-omelija tal-Isqof Joseph Galea-Curmi

Id-domanda li għamel l-għaref fil-Liġi lil Ġesù – “U l-proxxmu tiegħi min hu?” (Lq 10:29) – tidher domanda mill-iktar naturali. Meta Ġesù spjega liema hu l-aqwa kmandament fil-liġi, u qal “Int għandek tħobb lill-Mulej Alla tiegħek b’qalbek kollha, b’ruħek kollha, bil-qawwa tiegħek kollha u b’moħħok kollu, u lill-proxxmu tiegħek bħalek innifsek” (Lq 10:27), tiġi waħedha din id-domanda, anke jekk l-Evanġelju jgħid li dan għamilha “biex juri li kellu raġun” (Lq 10:29)… Read more »

L-omelija tal-Isqof Joseph Galea-Curmi

Proprju fl-1 ta’ Ottubru, ftit ġranet ilu, is-Senat Taljan approva d-deċiżjoni li x-xahar ta’ qabel kien ħa l-Parlament Taljan biex il-Festa ta’ San Franġisk ta’ Assisi terġa’ ssir festa pubblika nazzjonali fl-Italja, bħalma kienet sa kważi ħamsin sena ilu. Li jolqtok hu kif kważi kulħadd qabel – fejn l-Italja rari jkun hemm qbil bejn il-partiti differenti, kien hemm qbil kważi unanimu.Ir-raġuni mhijiex biss għax San Franġisk kien Taljan u patrun tal-Italja, imma wkoll għax kien figura hekk importanti fl-Istorja u b’rilevanza kbira għall-ħajja llum, anke fost dawk li ma jħaddnux il-Fidi Kattolika. 

Ħafna drabi, San Franġisk jissemma b’rabta mal-faqar, mal-ambjent, mal-paċi… Read more »

Hija festa sabiħa li nagħmlu llum lit-tliet arkanġli: Mikiel, Gabriel u Rafel. Dawn huma tliet arkanġli li jissemmew fl-Iskrittura, f’mumenti differenti u li, meta niftakru fihom, u meta nagħtu qima lilhom, qegħdin fil-fatt iwassluna biex inħarsu lejn Alla u nagħtu qima lilu, bħalma jagħmlu huma, u bħalma tlabna anke fis-Salm. Fil-fatt, juruna l-providenza kbira ta’ Alla. Jekk aħna nħarsu lejn dawn it-tlieta, wieħed wieħed, naraw li kull wieħed jagħtina messaġġ importanti li jdawwar ħarsitna lejn Alla… Read more »