L-omelija tal-Arċisqof Charles Jude Scicluna

F’din is-silta mill-Evanġelju ta’ San Luqa joħroġ biċ-ċar ħafna li l-appostli joħorġu mill-qalb ta’ Ġesù imma wkoll joħorġu mit-talb tiegħu. Aħna u nitolbu biex inkunu fidili lejn Ġesù u lejn il-Knisja tiegħu li hi mibnija fuq l-appostli, għandna bżonn nitgħallmu din il-lezzjoni sabiħa li jagħtina l-Mulej: “Jekk il-Mulej ma jibnix id-dar, għalxejn jitħabtu l-bennejja. Jekk il-Mulej ma jħarisx il-belt, għalxejn jishar l-għassies”… Read more »

L-omelija tal-Arċisqof Charles Jude Scicluna

X’kien qiegħed jagħmel Natanael taħt is-siġra tat-tin? Ma nafux. Ma naħsibx li kienet xi ħaġa privata li se jsemmilu Ġesù. Is-siġra tat-tin, peress li tagħmel frott ħelu, fl-Iskrittura hija dik li tfakkarna fil-ħlewwa tal-Kelma ta’ Alla.

Ir-reazzjoni ta’ Natanael hija immedjata u nistgħu nifhmu li allura, Natanael — dan l-Iżraeli li jistħoqqlu dan l-isem — xi ħaġa li jgħidha Ġesù li “ma hemm ebda qerq fih” (Ġw 1:47), kien qiegħed jitlob għall-miġja tal-Messija mwiegħed fl-Iskrittura, imwiegħed fil-Kelma ta’ Alla… Read more »

L-omelija tal-Arċisqof Charles Jude Scicluna

F’dan il-Ħadd, għalkemm qegħdin fis-sena ddedikata lill-Evanġelju ta’ San Mark, nikkonkludu l-qari minn kapitlu 6 tal-Evanġelju ta’ San Ġwann. Imma peress li l-Evanġelju ta’ San Mark huwa qasir, f’diversi Ħdud ikollna siltiet oħra mill-Evanġelju ta’ San Ġwann.

Fil-Ħdud li għaddew, apparti l-Ħadd li għadda li ddedikajnieh lill-Assunta, smajna kif il-poplu kien immeraviljat bil-qawwa ta’ Ġesù li jkattar il-ħobż, u riedu jagħmluh sultan u fir-raħal adottiv tiegħu, Kafarnahum, jidħol fis-sinagoga u jitkellem dwar il-ħobż li niżel mis-sema li hu huwa stess, it-tagħlim tiegħu u lejn l-aħħar tal-kapitlu… Read more »

L-omelija tal-Arċisqof Charles Jude Scicluna

“Jitgħaxxaq is-sultan bi ġmielek u int, għax hu sidek, agħtih qima” (S 44:12). Fl-innu sabiħ li għadna kemm smajna fl-Evanġelju minn San Luqa: ‘Ruħi tfaħħar il-kobor tal-Mulej’ jew il-Magnificat, Marija propju tagħmel dak li jissuġġerixxi s-Salm 44 li smajna bħala Salm Responsorjali llum. “Agħtih qima u int, għax hu sidek, agħtih qima”.

“Ruħi tfaħħar il-kobor tal-Mulej, l-ispirtu tiegħi jifraħ f’Alla, is-salvatur tiegħi, għax hu xeħet għajnejh fuq iċ-ċokon tal-qaddejja tiegħu” (Lq 1:46-47)… Read more »

L-omelija tal-Arċisqof Charles Jude Scicluna

“Hieni l-ġuf li ġiebek u s-sider li rdajt!” (Lq 11:27) L-espressjoni ta’ din il-mara li smajna fl-Evanġelju tal-lum hi wkoll espressjoni tal-Knisja llum, fis-solennità tat-Tlugħ fis-Sema ta’ Marija. Il-grazzja kbira li ta l-Mulej lil ġisimha li ġarr fil-ġuf tiegħu lill-Iben t’Alla magħmul bniedem li ma jarax it-taħsir. Imma jiġi rxuxtat, mhux bil-qawwa tagħha nnifisha bħalma ġara fil-każ ta’ Ġesù fl-Għid il-Kbir, imma fl-Għid tal-Assunta, hi l-ħniena t’Alla li tħares il-ġisem ta’ Marija mit-taħsir tal-qabar… Read more »

L-omelija tal-Arċisqof Charles Jude Scicluna

“Wieħed mis-serafini ttajjar lejja, ġamra nar f’idu li hu kien qabad bi mqass minn fuq l-artal u messli fommi biha u qalli: ‘Ara din missitlek; xofftejk ħżunitek għabet, dnubek inħafer’. Imbagħad smajt leħen lili jgħidi: ‘Lil min se nibgħat? Min se jmurilna?’ U jiena weġibt: ‘Hawn jien, ibgħat lili’” (Iż 6:6-7).

Minn fuq l-artal ta’ din il-parroċċa għażiża ddedikata lill-patrun tiegħu San Nikola, Fr Nicholas żamm u għożż il-ġamra li fejqitu u ħeġġitlu ’l qalbu… Read more »