L-omelija tal-Arċisqof Charles Jude Scicluna

Aħna u nisimgħu l-Kelma ta’ Alla llum, nibdew napprezzaw li Ġesù f’ħin minnhom meta qal: “Taħsbux li jien ġejt inġib il-paċi fuq l-art! Ġejt inġib mhux il-paċi, imma sejf” (Mt 10:34), l-inkwiet, il-firda. Dan nibdew narawh jibda jseħħ, iżjed ma joqorbu fuqna l-jiem li fih jiġi miċħud, mogħti f’idejn il-pagani, maqtul bl-iżjed mewta kiefra. Hemm min japprezza min hu Ġesù: “Tassew dan hu l-Profeta”… Read more »

L-omelija tal-Arċisqof Charles Jude Scicluna

Aħna u ninġabru f’riġlejn il-Kurċifiss devot u għażiż ta’ din il-knisja, magħruf bħala l-Kurċifiss ta’ Ġieżu; ejjew inħarsu lejh u nitolbuh maħfra u fejqan. Fuq fommna llum, toqgħod tajjeb ħafna t-talba li għallimna San Ġorġ Preca. Ejjew inħarsu lejn Ġesù Kurċifiss u ngħidulu: ‘Grazzi Sinjur Alla, u aħfirli Sinjur Alla’.

Ngħidulu ‘grazzi’ talli fil-Kurċifiss għażiż tana sinjal ta’ mħabba u mediċina biex meta negħjew fit-toroq tal-imħabba tal-ħajja, inħarsu lejh u nerġgħu nibdew mill-ġdid… Read more »

L-omelija tal-Arċisqof Charles Jude Scicluna

Ġesù jipprova jispjega lin-nies ta’ żmienu, anzi lid-dixxipli tiegħu stess, li l-kundizzjoni ta’ dan ir-raġel imwieled agħma, mhix kwistjoni ta’ dnub: “Mhux għax dineb hu jew il-ġenituri tiegħu, imma ġralu hekk biex l-għemil ta’ Alla jidher fih” (Ġw 9:3). Qed jispjegalna li dak li neħilsu minnu fil-magħmudija, mhux għax aħna nitwieldu, għax għamilna d-dnub, u hemm konsegwenza kerha; imma nitwieldu fi stat ta’ agħma, li hu għandu l-qawwa jeħlisna minnu, mhux bilfors tort tagħna… Read more »

L-omelija tal-Arċisqof Charles Jude Scicluna

Dan l-għaref tal-liġi, dan il-kittieb, wieġeb bil-għaqal għax fehem li l-aqwa ħaġa fil-ħajja hija l-imħabba. U aħna qegħdin hawn biex nuru l-imħabba tagħna lil min ħabbna tassew. “Ħadd ma għandu imħabba akbar minn din: li wieħed jagħti ħajtu għal ħbiebu” (Ġw 15:13). Il-mixja li għadna kemm għamilna u dawn il-jiem qaddisa li qed inniedu f’dan il-pellegrinaġġ qaddis tar-Redentur, ifakkurna li l-ħajja tagħna jkollha togħma sabiħa u tajba, daqskemm tkun imsejsa fuq l-imħabba… Read more »

L-omelija tal-Arċisqof Charles Jude Scicluna

It-tliet Evanġelji li se naqraw fil-Ħdud li ġejjin, inkluż dan, huma kollha meħudin mill-Evanġelju skont San Ġwann. Jgħidulna xi ħaġa fuq min hu Ġesù, xi ħaġa milli jgħid hu stess fuqu nnifsu. “Jiena naf li ġej il-Messija, dak li jgħidulu Kristu. Meta jiġi hu, kollox iħabbrilna” (Ġw 4:25), hekk tgħid il-mara Samaritana, li kellha ħamest irġiel, imma dak li kienet miegħu, lanqas hu ma kien ir-raġel tagħha… Read more »

Ritratt: Ian Noel Pace – Arċidjoċesi ta’ Malta

Il-kelma li jagħtina Ġesù jfakkarna ħafna f’dak li għalih qegħdin hawn għat-tislima tagħna u t-talb tagħna b’suffraġju tal-Arċisqof Pawlu Cremona li fostna mexa bħala qaddej tal-poplu tiegħu. L-ebda wieħed u waħda minna ma niftakruh għall-vanità tiegħu jew għall-frugħa tiegħu; imma l-Mulej tahulna bħala qaddej ġwejjed, ta’ umiltà kbira, ta’ sens prattiku kbir, ta’ mħabba kbira.

Aħna nitolbu ħafna għalih u f’dan il-mument fejn qed joqrob l-ewwel anniversarju mill-mewt tiegħu nitolbu wkoll għal ruħu u nitolbu biex il-Mulej ikompli jberikna b’ragħajja bħalu, ragħajja skond il-qalb tal-Mulej… Read more »