Matul ix‑xahar ta’ April, l‑Arċidjoċesi ta’ Malta xxandar il‑quddiesa kuljum fid‑9:30am fuq TVM, Knisja.mt u Newsbook Malta. Mit‑Tnejn sas‑Sibt tixxandar it‑talba tar‑rużarju fuq Knisja.mt, Newsbook Malta, u Facebook u YouTube tal‑Arċidjoċesi ta’ Malta. Kull nhar ta’ Ħadd, il‑quddiesa tixxandar fuq TVM, Knisja.mt u Newsbook Malta, l‑istazzjon tar‑radju RTK 103, u Facebook u YouTube tal‑Arċidjoċesi ta’ Malta.
L‑Arċisqof Charles Scicluna se jmexxi dawn iċ‑ċelebrazzjonijiet f’dawn il‑ġranet:
Il-Ħadd 6 ta’ April fid-9:30am, l-Arċisqof jiċċelebra quddiesa mill-Knisja Parrokkjali ta’ Stella Maris f’Tas-Sliema li tixxandar fuq TVM, Knisja.mt, Newsbook Malta u RTK 103.
L-Erbgħa 9 ta’ April f’12:00pm, l-Arċisqof jiċċelebra quddiesa għall-qwiebel li se jkunu qed jagħmlu rtir fil-Kurja tal-Arċisqof fil-Furjana.
Il-Ġimgħa 11 ta’ April fid-9:30am, l-Arċisqof jiċċelebra quddiesa għall-ġenituri li tilfu lil uliedhom, fil-Knisja Ta’ Ġieżu fil-Belt Valletta. Fis-6pm, l-Arċisqof imexxi l‑pellegrinaġġ nazzjonali bl‑istatwa tad‑Duluri, li jibda mill‑Knisja ta’ Ġieżu fil‑Belt Valletta.
Il-Ħadd 13 ta’ April fid-9:30am, l‑Arċisqof imexxi ċ‑ċelebrazzjoni ta’ Ħadd il‑Palm bit‑tberik tal‑friegħi taż‑żebbuġ u l‑palm, u wara jkompli bil‑Passjoni tal‑Mulej fil‑Konkatidral ta’ San Ġwann fil‑Belt Valletta. Din se tixxandar fuq TVM, Knisja.mt, Newsbook Malta u RTK 103.
Il-Ħamis 17 ta’ April 9:30am, l‑Arċisqof jiċċelebra l‑Quddiesa taż‑Żjut mill‑Konkatidral ta’ San Ġwann fil‑Belt Valletta. Din se tixxandar fuq TVM, Knisja.mt u Newsbook Malta. Fis-6pm, l‑Arċisqof jiċċelebra quddiesa fit‑Tifkira tal‑Ikla tal‑Mulej bil-ħasil tas-saqajn fil‑Konkatidral ta’ San Ġwann fil‑Belt Valletta. Wara ssir purċissjoni qasira għall‑artal tar‑ripożizzjoni. Din se tixxandar fuq TVM, Knisja.mt, Newsbook Malta u RTK 103.
Il-Ġimgħa 18 ta’ April fid-9:30am, l-Arċisqof jitlob l-Uffiċċju tal-Qari u t-Tifħir ta’ Sbiħ il-Jum mill-Kappella tal-Madonna ta’ Manresa fil-Kurja tal-Arċisqof fil-Furjana. Dan se jixxandar fuq TVM+, Knisja.mt u Newsbook Malta. Fit-3:30pm, l‑Arċisqof imexxi l‑Azzjoni Liturġika tal‑Passjoni u l‑Mewt tal‑Mulej mill‑Konkatidral ta’ San Ġwann fil‑Belt Valletta.Din se tixxandar fuq Knisja.mt, Newsbook Malta u RTK 103.
Is-Sibt 19 ta’ April fid-9:30am, l‑Arċisqof jitlob l‑Uffiċċju tal‑Qari u t‑Tifħir ta’ Sbiħ il‑Jum mill‑Kappella tal‑Madonna ta’ Manresa fil‑Kurja fil‑Furjana. Dan se jixxandar fuq TVM, Knisja.mt u Newsbook Malta. Fit-8pm, l‑Arċisqof imexxi l‑liturġija tal‑Vġili tal‑Għid li matulha numru ta’ adulti jiġu mgħammda, jirċievu l‑Griżma tal‑Isqof u l‑Ewwel Tqarbina, fil‑Konkatidral ta’ San Ġwann fil‑Belt Valletta. Din se tixxandar fuq TVM+, Knisja.mt, Newsbook Malta u RTK 103.
Il-Ħadd 20 ta’ April fid-9:30am, l‑Arċisqof jiċċelebra Quddiesa Stazzjonali tal‑Għid il‑Kbir tal‑Mulej, fil‑Konkatidral ta’ San Ġwann, il‑Belt Valletta.Din se tixxandar fuq TVM, Knisja.mt, Newsbook Malta u RTK 103.
L-Erbgħa
23 ta’ April fis-6pm, fil-Ġublew Fratellanzi fiż-Żejtun, l-Arċisqof
imexxi pellegrinaġġ bis-sehem ta’ bosta fratellanzi, li jibda mill-Knisja
tal-Madonna
tal-Ħniena f’Bir id-Deheb sal-Knisja ta’ San Girgor iż-Żejtun, fejn jiċċelebra
quddiesa.