L-omelija tal-Arċisqof Charles Jude Scicluna
Aħna u nisimgħu l-Evanġelju tal-lum skont San Luqa, ninnutaw diversi atteġġjamenti li nixtieq nipproponi fit-tmiem ta’ din is-sena u fil-bidu tas-sena tal-Ġublew, li inawgurajnieh il-Ħadd li għadda 29 ta’ Diċembru, u jkompli sas-6 ta’ Jannar 2026.
Ir-ragħajja semgħu messaġġ u marru jgħaġġlu sabiex jiltaqgħu mal-Mulej. Ma semgħux biss il-messaġġ imma laqgħuh. B’għaġla, bdew proċess u ltaqgħu mal-Mulej, fejn “sabu lil Marija u lil Ġuzeppi, bit-tarbija mimduda f’maxtura” (Lq 2:16).
Kull min sema’ r-ragħajja jitkellmu dwar l-esperjenza tagħhom, jgħaddi minn esperjeza ġdida, dik tal-istagħġib, bl-ingliż ‘admiration’. Dan huwa wkoll atteġġjament li nipproponi għal din is-sena: is-smigħ u l-ġenerożità li nimxu minn fejn aħna u nidħlu fi proċess li jfisser ukoll bidla u ma nibqgħux fejn aħna biex niltaqgħu ma’ Ġesù imma nimltew ukoll b’atteġġjament ta’ stagħġib aħna qed nimmeditaw u naduraw il-ħniena ta’ Alla għal kull wieħed u waħda minna.
Atteġġjmaent ieħor li jsemmi l-Evanġelju ta’ San Luqa huwa dik ta’ Marija, li llum qed niċċelebraw fil-maternità taghha. Marija, li baqgħet tgħożż f’qalbha dawn il-ħwejjeġ kollha u taħseb fuqhom bejnha u bejn ruħha: l-għożża li tgħożż f’qalbek esperjenza, li ma tperriċhiex, tindurkaha, tieħu ħsiebha, imma wkoll li tibqa’ taħseb bejnek u bejn ruħek.
Waħda mit-tgergiriet komuni ta’ San Ġorġ Preca kienet din: għandna ħafna tagħlim imma riflessjoni ftit. San Ġorġ Preca kien jifhem li mhux biżżejjed tgħaddi mill-esperjenza u tisma’ u titgħallem, imma hemm bżonn ukoll tieqaf u tirrifletti.
Kemm tkun ħaġa sabiħa li aħna nieħdu dawn l-atteġġjamenti bħala l-programm tal-mixja personali fis-Sena Mqaddsa. Jekk irridu li s-Sena tal-Ġublew tkun festa ta’ ħniena kbira, hemm bżonn nidħlu fi proċess li jmexxina minn fejn aħna biex ma nibżgħux niltaqgħu mal-Mulej. Il-laqgħa tiegħu magħna għandha tisfidana biex tpoġġina f’post ta’ paċi.
Waqt li ngħożżu din l-esperjenza nibqgħu nirriflettu fuq il-kelma li jrid jgħidlek il-Mulej. Aħna li għandha ħafna tant distrazzjonijiet minn tant aħbarijiet, biċċiet ta’ verità jew fake news, tant storbju li jdawwarna, għandna bżonn nieqfu u nirriflettu. Għalhekk għandna nimitaw lil Marija meta tgħożż f’qalbha u taħseb fuq dak li għaddiet minnu bejnha u bejn ruħha.
Wara kollox, din hi r-riċetta tal-paċi tal-qalb: li tiskopri lil Alla fiċ-ċirkustanzi kemm sbieħ u kemm ta’ toqol ta’ ħajtek u tgħidlu ‘Grazzi, Sinjur Alla’.
As we contemplate the maternity of Our Lady today, I invite you to focus on two attitudes of Our Lady described in today’s Gospel from Luke. The Gospel tells us that Mary kept thinking about what had happened and treasured her experiences in her heart. As we begin to celebrate the Jubilee Year, we must distance ourselves from the many distractions that bombard us daily, often blurring the truth with snippets of falsehoods. Let us take time to pause and reflect: Where am I? Where am I going? Where is the Lord in my life? When do I encounter the Lord in my journey?
When we meet the Lord, let us treasure that experience and continue to reflect upon it. This reflection and treasuring of our encounters with God is also a path to peace.
Għada niċċelebraw Jum il-Paċi, u nistgħu ngħidu li għandna bżonn tassew dan id-don tal-paċi fostna, fl-Ewropa tagħna, fid-dinja. Imma nixtieq nitloblkom ħafna bil-ħniena biex nitolbu għall-Ukrajna, għal-Gaża u għas-Sirja. Huma tliet postijiet qrib tagħna li għaddejjin minn żmien diffiċli ħafna. Nitolbu għal-libertà tal-Insara fis-Sirja, u għall-ħelsien mill-jasar tal-poplu Palestinjan. Nitolbu wkoll għall-protezzjoni tal-poplu ta’ Iżrael, u fuq kollox għall-paċi fl-Ukrajna.
Let us also pray for peace in Ukraine, Palestine, Israel, and Syria. Here in Valletta, we are blessed to have a beautiful icon known as Our Lady of Damascus. This ancient icon, believed to be over 1,200 years old, is treasured in the church near the Grandmaster’s Palace. It was brought from Rhodes to Malta by a family with the Knights of Malta in the 1530, but it was originally made in Damascus, Syria—hence its name, Our Lady of Damascus.
When I visited Syria in 2008, the leaders in Damascus shared with us how significant this icon is to their heritage, and I assured them: “We will treasure it for you.” It would be meaningful for us to visit Our Lady of Damascus and pray for peace in Syria and in all the troubled regions of the world.
✠ Charles Jude Scicluna
Arċisqof ta’ Malta
Qari tal-quddiesa
Qari I: Num 6:22-27
Salm: 66(67):2-3,5,6,8
Qari II: Gal 4:4-7
L-Evanġelju: Lq 2:16-21