Wikipedia

Il-Fraternità Charles de Foucald se torganizza kors ta’ formazzjoni bit-titlu: “Fil-Qalb tal-Vanġelu ma’ Charles de Foucald”.

Il-programm li se jkun mifrux bejn April u Ġunju, se jikkonsisti fi tmien laqgħat ippreżentati minn kelliema differenti, bil-laqgħat kollha jsiru ġewwa s-Seminarju tal-Arċisqof f’Tal-Virtù, ir-Rabat.

Ir-Rettur tas-Seminarju, Dun Jimmy Bonnici se jkun qed jintroduċi dan il-kors ta’ formazzjoni u jlaqqa’ lill-parteċipanti mal-figura ta’ San Charles de Foucauld, li ġie kanonizzat mill-Papa Franġisku fl-2022, bil-laqgħa li se tkun qed tikkonsisti minn riflessjoni u l-esperjenza tad-deżert. Din se ssir nhar is-Sibt 5 ta’ April 2025, bejn it-3pm u s-7pm.

Għaldaqstant, il-Fraternità qed tagħmel sejħa partikolarment lil min jinsab fi tfittxija għal dak li huwa pur, essenzjali kif ukoll għal min jixtieq isib ftit silenzju. Il-Fraternità toffri ambjent sempliċi, fejn kulħadd iħossu milqugħ, irrelevanti mill-isfond li wieħed ġej minnu.

Għal iktar tagħrif wieħed jista’ jċempel fuq 21233666, 21239548 jew 79298509, jew jibgħat email fuq [email protected] jew [email protected].

Fraternità Charles de Foucald

Minn Luke Vella

Sors: Newsbook Malta