News from the Church in Malta
Illum is-Sibt, 4 ta’ Awwissu 2018, ser issir il-Quddiesa tal‑ordinazzjoni episkopali ta’ Mons. Joseph Galea‑Curmi bħala l‑Isqof Awżiljarju l‑ġdid ta’ Malta. Il-Quddiesa ser issir fil-Katidral ta’ San Pawl, l-Imdina, fis-7pm. Jippresiedi l‑Arċisqof Charles J. Scicluna.
…
The ring represents the seal of fidelity of the bishop to the Church, the bride of Christ. In the past, the ring was given as a symbol of honour that served as a seal for official documents. It was represented the betrothal of the bishop to his diocese. The ring that will be presented to Mgr Joseph Galea-Curmi during the Pontifical Mass of the Episcopal Ordination is a gift from Archbishop Charles J…
Illejla fis-7:30pm, fil-knisja parrokkjali ta’ San Ġużepp Ħaddiem, Birkirkara, ser issir velja ta’ talb immexxija mill‑Arċisqof Charles J. Scicluna, lejlet l‑ordinazzjoni episkopali ta’ Mons. Joseph Galea‑Curmi bħala l‑Isqof Awżiljarju l‑ġdid ta’ Malta. Waqt il‑velja l‑Isqof Elett ser jagħmel l‑istqarrija tal‑fidi, jieħu l‑ġurament tal‑fedeltà u jitbierku l‑insinji episkopali (il‑baklu, il‑mitra u ċ‑ċurkett) li ser jintużaw waqt l‑ordinazzjoni.
…
Il‑Ġimgħa 3 ta’ Awwissu, fis‑7:30 p.m., l‑Arċisqof Charles J. Scicluna jmexxi velja ta’ talb fil‑parroċċa ta’ San Ġużepp Ħaddiem, Birkirkara, bi tħejjija għall‑Ordinazzjoni Episkopali ta’ Mons. Joseph Galea‑Curmi, Isqof Awżiljarju Elett. Il‑velja ser tixxandar ‘live’ fuq il‑Youtube Channel tal‑Arċidjoċesi ta’ Malta.
Is‑Sibt 4 ta’ Awwissu, fis‑7:00 p.m., Monsinjur Arċisqof jagħti l‑Ordinazzjoni Episkopali lill‑Mons. Joseph Galea‑Curmi, Isqof Awżiljarju Elett, fil‑Katidral ta’ San Pawl l‑Imdina…
Fl‑okkażjoni tal‑festa ta’ San Kalċidonju ser tiġi ċċelebrata Quddiesa fil‑kappella ddedikata lil dan il‑qaddis fil‑bini tal‑Kurja tal‑Arċisqof, il‑Furjana. Din ser issir għada t‑Tlieta, 24 ta’ Lulju 2018, f’nofsinhar. Ir-residenti tal-Furjana u dawk kollha li jaħdmu f’din il-lokalità huma mistiedna jattendu.
Ir‑relikwi ta’ San Kalċidonju jinsabu meqjumin f’kappella żgħira li tinsab eżatt wara l‑kappella prinċipali fil‑Kurja. Ir‑relikwi tal‑qaddis nġiebu Malta miċ‑ċimiterju ta’ Pretestato, fl‑Italja, fl‑1753…
L-ordinazzjoni episkopali tal-Isqof Awżiljarju l-ġdid ta’ Malta, Mons. Joseph Galea-Curmi, ser issir is-Sibt, 4 ta’ Awwissu 2018, fil-Katidral tal-Imdina, fis-7 p.m. Il-Quddiesa ser titmexxa mill-Arċisqof Charles J. Scicluna filwaqt li l-Isqfijiet Koordinanti ser ikunu l-Arċisqof Emeritu Mons. Pawlu Cremona O.P. u l-Isqof ta’ Għawdex Mons. Mario Grech.
Lejlet l-ordinazzjoni, il-Ġimgħa, 3 ta’ Awwissu, fis-7:30 p.m., ser issir velja ta’ talb fil-knisja parrokkjali ta’ San Ġużepp Ħaddiem, Birkirkara…
Following an invitation from Maltese bishops, the annual meeting for media officials and spokespersons of the European Episcopal Conferences will be held in Malta in June 2019. This was announced at the conclusion of a meeting held in Rome a few days ago, hosted by CEI (Conferenza Episcopale Italiana). Mr Kevin Papagiorcopolo, the Archbishop’s Delegate for Media, attended this conference on behalf of the Maltese bishops…
L‑Arċisqof Charles J. Scicluna llum ħalla Malta flimkien ma’ grupp ta’ żgħażagħ għal pellegrinaġġ fl‑Art Imqaddsa. L‑Arċisqof huwa akkumpanjat minn 28 żagħżugħ u żagħżugħa bejn il‑15 u t‑30 sena, u minn żewġ saċerdoti. Matul il‑pellegrinaġġ ser iżuru l‑aktar postijiet sagri u importanti għall‑fidi Nisranija bħal Nazaret, Betlehem u Ġerusalemm, kif ukoll santwarji u knejjes fl‑Art Imqaddsa.
Dan il‑pellegrinaġġ huwa organizzat mill-Kummissarjat tal-Art Imqaddsa u l‑Malta Catholic Youth Network (MCYN), il‑kummissjoni tal‑Knisja għaż‑żgħażagħ, bħala parti mill‑esperjenzi li l‑Arċisqof qed jagħmel matul din is‑sena bi tħejjija għas‑Sinodu tal‑Isqfijiet dwar iż‑żgħażagħ f’Ottubru li ġej li sejjaħ il‑Papa Franġisku…
Il‑Ħadd 1 ta’ Lulju 2018, fl‑9:45 a.m., l‑Arċisqof Charles J. Scicluna jiċċelebra Quddiesa li matulha jamministra s‑Sagrament tal‑Griżma tal‑Isqof lill‑adolexxenti fil‑parroċċa ta’ Marija Addolorata, San Pawl il‑Baħar.
L‑Erbgħa 11 ta’ Lulju, fis‑6:30 p.m., Monsinjur Arċisqof jiċċelebra Quddiesa Pontifikali fil‑festa ta’ San Benedittu, fil‑Monasteru ta’ San Pietru, l‑Imdina.
Il‑Ġimgħa 13 ta’ Lulju, fis‑5:30 p.m., Monsinjur Arċisqof jinawgura ċentru tad‑duttrina fil‑parroċċa ta’ San Ġużepp, l‑Imsida…
Il‑Kongregazzjoni għall‑Evanġelizzazzjoni tal‑Popli tas-Santa Sede ħatret lil Mons. Valentino Borg bħala direttur ġdid ta’ MISSIO Malta (l-Opri Missjunarji Pontifiċji) għall‑ħames snin li ġejjin (2018-2023).
Il‑MISSIO għandu l‑għan li jgħin lill‑Papa fit‑tixrid tal‑ispirtu missjunarju fost il‑qassisin, reliġjużi, adulti u tfal u jinkoraġġixxi l‑għajnuna lill‑foqra permezz ta’ għajnuna finanzjarja għal proġetti f’pajjiżi tat‑Tielet Dinja. Il-MISSIO jieħu ħsieb ukoll ix‑xandir tal‑Kelma ta’ Alla f’dawk il‑pajjiżi li qatt ma ġew evanġelizzati…
