“San Tumas More spiċċa martri għax kien onest u għaldaqstant dan il-qaddis għandu jkun ta’ eżempju għal kull wieħed u waħda minna, u għalhekk min verament jixtieq jimxi b’moralità, illum hawn ħafna modi biex ikun jista’ jiddefendi lilu nnifsu, iżda nfakkar li moralità waħda hemm: il-verità”, qal l-Ispeaker Anġlu Farrugia waqt it-tnedija ta’ pubblikazzjoni oħra mill-Parlament, ‘Jiena Thomas’.

L-Ispeaker faħħar il-ħidma u r-riċerka ta’ Patri Thomas Moore dwar il-qaddis Thomas More u qal li din il-pubblikazzjoni għandha tkun ta’ interess għal dawk interessati fil-politika u li jservu minn din l-istituzzjoni tant prestiġjuża hekk kif fakkar li l-Papa Ġwanni Pawlu II fis-sena 2000, nhar il-31 ta’ Ottubru, kien iddikjara lil dan il-qaddis bħala l-Patrun tal-Politiċi u tal-Istatisti…

Il-Kapitlu serva wkoll biex dawn l-Aħwa miġbura lkoll flimkien jismigħu dwar dak kollu li sar matul dawn it-tliet snin u flimkien jevalwaw ħidmiethom u anke jgħixu mumenti ta’ fraternità.

Il-Kongregazzjoni tas-Sorijiet Dumnikani ta’ Malta, (Dominican Sisters of Malta), nediet uffiċjalment il-websajt il-ġdida tagħha. Fost materjal li wieħed jista’ jsib f’dan is-sit hemm: informazzjoni dwar is-Sorijiet Dumnikani ta’ Malta u l-kunventi tagħhom madwar  Malta, Għawdex u f’pajjizi oħra, avvenimenti u aħbarijiet, talb, riflessjonijiet, kalendarju tal-Qaddisin, vokazzjoni u ż-żgħażagħ. 

Il-Madre Ġenerali Carmelita Borg O.P.  stqarret li fid-dinja tal-lum huma importanti li l-informazzjoni dwar is-sorijiet Dumnikani tkun aċċessibbli għal kulħadd…

Fil-bidu ta’ Lulju ġie ċċelebrat id-69 Kapitlu Provinċjali Ordinarju Elettiv tal-Aħwa Kapuċċini Maltin. Dan il-kapitlu sar fil-kunvent tas-Salib Imqaddes fil-Furjana u għalih attendew 53 Aħwa Kapuċċini.

Matul il-ġimgħa tal-Kapitlu, il-patrijiet Kapuċċini kellhom iċ-ċans jitolbu, jiddiskutu u anke jfasslu flimkien programm għall-futur tal-Provinċja. F’dan il-Kapitlu, ippresedut mill-Ministru Ġenerali tal-Ordni tal-Kapuċċini Patri Roberto Genuin u fil-preżenza tal-Kunsillier Ġenerali Patri Pio Morat, saru wkoll l-elezzjonijiet tal-Ministru Provinċjali u anke tal-Kunsill tiegħu għat-tliet snin li ġejjin…

Bħalma jiġri kull sena, għal 53 siegħa sħaħ, il-parkeġġ tal-karozzi fid-Dar tas-Siġġiewi nbidel f’padiljun tal-volleyball u f’żona ta’ divertiment għall-familja kollha. Apparti l-logħob tal-volleyball, se jkun hemm spettaklu ta’ kant, kunċerti mużikali kfi ukoll stands ta’ ikel għall-viżitaturi.

Aktar minn 300 voluntier qed jiddedikaw il-ħin u l-isforzi tagħhom biex jiġbru l-flus għal din il-kawża ġusta…

“B’Qalb Imħeġġa” huwa t-titlu tal-Aġġornament tal-Kleru 2019 fejn din is-sena ngħatat ħarsa lejn il-prijoritajiet li l-Knisja f’Malta għandha tpoġġi quddiemha llum meta affaċċjata b’soċjetà pluralista u multikulturali. Kienet ix-xewqa tal-Arċisqof Charles, J. Scicluna u tal-Isqof Awżiljarju Joseph Galea Curmi li s-saċerdoti jagħtu l-kontribut dirett tagħhom biex jindikaw l-għażliet li Alla qed jitlob li jagħmlu b’kuraġġ u ħeġġa.

B’ispirazzjoni mill-ġrajja ta’ Għemmaws u fid-dawl ta’ Evangelii Gaudium, ġew identifikati erba’ għażliet sabiex jorjentaw il-prijoritajiet tad-djoċesi: Knisja li tisma’, Knisja li tilqa’, Knisja li takkumpanja u Knisja li toħroġ (outreach)…