L-omelija tal-Isqof Joseph Galea-Curmi

“Tibżgħu xejn” (Lq 12:32) Dan il-kliem Ġesù qalu lid-dixxipli tiegħu biex jagħmlilhom il-kuraġġ, u biex jifhmu li hu dak li jgħinhom jegħlbu l-biża’. U dil-kelma “tibżgħu xejn” hi kelma li kontinwament narawha fl-Iskrittura. Hawnhekk, f’dil-parroċċa ddedikata lil Marija Annunzjata, aħna midħla ħafna tar-rakkont tat-Tħabbira tal-Mulej meta l-anġlu Gabriel, kif jibda jkellem lil Marija, jgħidilha mal-ewwel “Tibżax, Marija” (Lq 1:30); u lil Ġużeppi wkoll, meta l-anġlu tal-Mulej ikellmu fi ġrajja oħra, jgħidlu “Xejn la tibża’” (Mt 1:20)… Read more »

L-omelija tal-Isqof Joseph Galea-Curmi

“Għall-imħabba tiegħi” (Mt 16:25). Dan huwa l-kliem li jgħid Ġesù meta qed ikellem lid-dixxipli tiegħu, u huwa dak li jenfasizza Ġesù meta qed jitkellem fuq kif tkun dixxiplu tiegħu. Dak kollu li jsemmi, fl-aħħar mill-aħħar, huwa “għall-imħabba tiegħu”. Fil-fatt, ninnutaw mal-ewwel li Ġesù jagħmel stedina: “Jekk xi ħadd irid jiġi warajja…” (Mt 16:24). Mhijiex xi ħaġa li se jġagħlek tagħmilha bilfors, imma hija stedina… Read more »

L-omelija tal-Isqof Joseph Galea-Curmi

“Hawn ma għandniex ħlief ħames ħobżiet u żewġ ħutiet” (Mt 14:17). Din hi r-risposta tad-dixxipli lil Ġesù, meta hu talabhom jagħtu lin-nies x’jieklu. Din il-ġrajja hija ġrajja li baqgħet magħrufa ħafna – aħna nafuha bħala dik tat-“tkattir tal-ħobż”, kif Ġesù tema’ ’l fuq minn ħamest elef ruħ b’ħames ħobżiet u żewġ ħutiet. Imma f’dil-ġrajja l-importanti mhux li nieqfu biss fuq il-miraklu bħala xi ħaġa ta’ stagħġib, imma li naraw il-mod kif Ġesù jagħmel dan il-miraklu – għax għandu ħafna x’jgħallimna… Read more »

L-omelija tal-Isqof Joseph Galea-Curmi

Ilbieraħ ommi għalqet 25 sena mill-mewt tagħha, minn meta għaddiet għall-ħajja ta’ dejjem. Wieħed mill-messaġġi għeżież li dejjem tatni, lili u lill-familja kollha, u għamlet dan iktar b’ħajjitha milli sempliċiment bil-kelma, kien proprju dak li Ġesù jsemmi fl-Evanġelju tal-lum: fittex li tistagħna quddiem Alla; fittex l-ewwel dak li jibqa’, mhux dak li jgħaddi.

Għażlu li jistagħnu quddiem Alla

Illum qed niċċelebraw il-25 sena mill-Ordinazzjoni Presbiterali ta’ dawn il-ħames saċerdoti, li għandhom l-anniversarju ftit ġimgħat oħra.  Dak inhar tal-Ordinazzjoni għamlu din l-għażla kbira u sabiħa għal ħajjithom: li jfittxu li jkunu ta’ Alla, li jistagħnew quddiemu, li jqiegħdu l-ewwel dak li jibqa’, mhux dak li jgħaddi, u jagħtu xhieda b’ħajjithom ta’ dan… Read more »

Photo: Wealth Architects Homily by Bishop Joseph Galea-Curmi

“Teacher, tell my brother to share the inheritance with me” (Lk 12:13). 

The Gospel passage opens with what seems like a simple, even just, request: a man asks Jesus to intervene in a family dispute over inheritance. But Jesus does not respond the way the man expects. He refuses to arbitrate in this dispute, and instead redirects the man’s concern… Read more »

L-omelija tal-Isqof Joseph Galea-Curmi

“Mnejn ġieb dan l-għerf u din il-qawwa tal-għaġeb?” (Mt 13:54) Dan huwa l-kliem li qalu n-nies fis-sinagoga, meta Ġesù kien hemmhekk; daħal fis-sinagoga u beda jgħallem. Ir-reazzjoni tagħhom kienet reazzjoni ta’ stagħġib – Mnejn ġieb dan l-għerf u din il-qawwa tal-għaġeb?  Qed jitkellmu fuq il-kelma tiegħu, li kienet kelma tal-għerf; u fuq dak li kien jagħmel, is-sinjali u l-mirakli li kienu juru qawwa tal-għaġeb.  Għalhekk, il-mistoqsija tagħhom kienet: “Mnejn ġieh dan kollu?” (Mt 13:56)

Hija mistoqsija tajba, għaliex proprju dak li kellhom jaraw… Read more »

Photo: Opus Dei Homily by Bishop Joseph Galea-Curmi

Dear Sisters, dear friends in Christ,

Today, as we bring to a close this sacred time of the 16th General Chapter – this privileged moment of discernment, renewal, and sisterly communion – the Lord gives us a Gospel parable that is rich in imagery and meaning. Jesus says: “The kingdom of heaven is like a net thrown into the sea, gathering fish of every kind” (Mt 13:47)… Read more »

L-omelija tal-Isqof Joseph Galea-Curmi

“Żerriegħa tal-mustarda” (Mt 13:31) u “ftit ħmira” (Mt 13:33). Huma dawn iż-żewġ tixbihat li juża Ġesù fil-parabboli li jsemmi llum dwar is-saltna tas-smewwiet. Ġesù, meta jitkellem b’dawn il-parabboli, ma jagħmilx diskors infantili imma diskors sempliċi li fih ħafna għerf divin. Hawnhekk Ġesù qed iqabbel is-saltna tas-smewwiet ma’ kif taħdem żerriegħa tal-mustarda, u tikber; u x-xogħol li tagħmel ukoll il-ħmira.

Ħa naraw it-tifsira ta’ dawn… Read more »

L-omelija tal-Isqof Joseph Galea-Curmi

“Mulej, għallimna nitolbu” (Lq 11:1). Din hi x-xewqa li wera wieħed mid-dixxipli lil Ġesù. Qallu hekk minħabba li d-dixxipli kienu rawh jitlob, u ndunaw li fil-ħajja ta’ Ġesù t-talb kien daqshekk importanti. Kienu raw il-mirakli li kien għamel, semgħu l-kliem tiegħu ta’ għerf, imma għarfu li fil-qalba ta’ dan kollu kien hemm it-talb – Ġesù kien jagħmel ħin twil fis-skiet jitlob… Read more »