L-omelija tal-Isqof Joseph Galea-Curmi

Għal tliet darbiet fl-Evanġelju llum, Ġesù jgħid lill-appostli tiegħu “la tibżgħux!” U kellu raġun jgħidilhom biex ma jibżgħux, għax aħna nafu li aktar ’il quddiem, meta għadda mill-passjoni u l-mewt tiegħu, l-appostli beżgħu ħafna, u mhux biss beżgħu iżda ħarbu u ħallewh waħdu – kollha sparixxew ħlief wieħed. 

Kien biss aktar ’il quddiem, bil-qawwa tal-Ispirtu s-Santu, li huma għelbu l-biża’ u ħarġu biex ixandru l-Bxara t-Tajba, u jagħmlu dak li Ġesù jgħidilhom fl-Evanġelju llum: “Dak li jien ngħidilkom fid-dlam, għiduh fid-dawl, u dak li ngħidilkom f’widnejkom, xandruh minn fuq il-bjut” (Mt 10:27)… Read more »

L-omelija tal-Isqof Joseph Galea-Curmi

“Tgeddsux”. Din hi l-kelma li juża Ġesù llum fl-Evanġelju skont San Mattew meta qed ikellem lid-dixxipli tiegħu u jgħidilhom li ma għandhomx jgħaddu ħajjithom jakkumulaw il-ġid. Jgħid: “Tgeddsux għalikom teżori f’din id-dinja” (Mt 6:19). U jgħid għaliex. L-ewwel nett, għax dawn maż-żmien jgħaddu – jitmermru bil-kamla u s-sadid; jista’ jkun ukoll li jidħol xi xi ħadd xi mument u jisraqhom; u – Ġesù jsemmiha din darb’oħra – jista’ jkun li wara li tgħaddi ħajtek takkumula l-ġid, imbagħad il-Mulej isejjaħlek għall-ħajja ta’ dejjem, u dak li akkumulajt ma tistax tieħdu miegħek imma tħallih għal ta’ warajk… Read more »

L-omelija tal-Isqof Joseph Galea-Curmi

Nixtieq l-ewwel nett inwassal l-apprezzament u s-sapport ta’ Mons. Arċisqof, li qiegħed barra minn Malta, u għalhekk minfloku hawn “l-isqof li qed jgħinu”.

Eċċellenza President tar-Repubblika u s-Sinjura Vella, Onorevoli Ministri, Viċi-Kap tal-Oppożizzjoni, membri parlamentari, sinjuri, nixtieq nuri l-apprezzament għall-preżenza tagħkom f’din l-okkażjoni llejla li tagħmel ħafna kuraġġ għax turi li s-soċjetà Maltija għandha għal qalbha l-ħajja ta’ dawn li llum se jiggradwaw u oħrajn li huma residenti fid-djar immexxija mill-Caritas… Read more »

L-omelija tal-Isqof Joseph Galea-Curmi

“Bħal nagħaġ bla ragħaj” (Mt 9:36). Din hija d-deskrizzjoni li nsibu llum fl-Evanġelju skont San Mattew, ta’ dawn in-nies li kienu viċin Ġesù, u li Ġesù, meta ħares lejhom, rahom “bħal nagħaġ bla ragħaj”. 

Aħna nafu x’irid ifisser meta jgħid “nagħaġ bla ragħaj”. Għax mingħajr ir-ragħaj, in-nagħaġ huma mitlufa, jitħawdu, ma jafux id-direzzjoni fejn iridu jmorru, huma disorjentati. Fil-fatt, l-Evanġelju jgħid li “kienu mdejqa u mitluqa bħal nagħaġ bla ragħaj”. 

Tħassarhom u ħa azzjoni

U x’għamel Ġesù? … Read more »

L-omelija tal-Isqof Joseph Galea-Curmi

“Għajn b’għajn u sinna b’sinna” (Mt 5:38) hija espressjoni li nisimgħuha anke fi żmienna. Tismagħha ġieli fil-politika jew f’oqsma oħra. Tfisser li għal kull daqqa li tirċievi, tagħti daqqa oħra; għal kull insult li jagħmlulek, tinsulta int ukoll. Imma din mhix espressjoni li nibtet fi żmienna. Hija antika ħafna. Għalhekk Ġesù fl-Evanġelju jgħid “Smajtu x’intqal”, jiġifieri fit-Testment il-Qadim kienet tintuża din l-espressjoni… Read more »

L-omelija tal-Isqof Joseph Galea-Curmi

“Kebbes fina n-nar ta’ mħabbtek”. Dan huwa kliem li ngħidu fl-innu “Tina l-ħlewwa”, innu verament sabiħ, li jfisser b’mod tajjeb ħafna s-solennità li qed niċċelebraw illum tal-Qalb Imqaddsa ta’ Ġesù. Aħna nitolbu lil Ġesù biex fina jkebbes din l-imħabba tiegħu, ħalli jkollna f’qalbna din l-imħabba u mbagħad nistgħu ngħixuha.

Meta aħna naraw l-istorja ta’ Ġesù fl-Evanġelju, ninnutaw li kull min iltaqa’ miegħu, speċjalment dawk li ltaqgħu miegħu mill-qrib, dejjem raw fih qalb li tħobbhom… Read more »

L-omelija tal-Isqof Joseph Galea-Curmi

“Henjin” (Mt 5:3). Għal diversi drabi Ġesù llum jirrepeti fl-Evanġelju “Henjin”. Disa’ darbiet, u fl-aħħar iżid: “Ifirħu u thennew” (Mt 5:12). Dan hu d-diskors tal-muntanja. Dawn li qrajna llum huma l-Beatitudnijiet – il-bidu ta’ dan id-diskors tal-muntanja, meta Ġesù tela’ fuq il-muntajna, u kien hemm folla nies, resqu lejh id-dixxiplu u beda jgħidilhom, kif naqraw fl-Evanġelji tal-lum, fuq il-valuri tas-Saltna. 

X’ifisser dan li qed jgħid Ġesù? … Read more »

L-omelija tal-Isqof Joseph Galea-Curmi

Qegħdin jumejn qabel il-festa kbira ta’ Corpus Christi – is-solennità tal-Ġisem u d-Demm Imqaddes tal-Mulej – u nixtieq li naħsbu ftit fuq l-Ewkaristija, u dak li tfisser għall-ħajja tagħna.

Waqt iċ-ċelebrazzjoni tal-quddiesa, għandna l-kelma – smajna llum fl-Evanġelju li lil Ġesù, “il-kotra kbira ta’ nies qagħdet tisimgħu bil-qalb kollha” (Mk 12:37). Hu importanti li nisimgħu l-kelma, għax hemm il-preżenza tal-Mulej… Read more »

L-omelija tal-Isqof Joseph Galea-Curmi

Hemm affarijiet fil-ħajja li nagħmluhom, li huma importanti, u li kultant ma niqfux nirriflettu fuqhom. Waħda minnhom hi r-radd tas-salib, meta aħna ngħidu: “Fl-isem tal-Missier, u tal-Iben, u tal-Ispirtu s-Santu”. Hija xi ħaġa importanti ħafna!

Il-festa kbira tal-lum – is-solennità tat-Trinità Qaddisa – tgħinna biex nirriflettu fuq dak li nagħmlu dejjem meta rroddu s-salib, u ħafna drabi wkoll bit-talb tal-quddies, meta aħna ngħidu li qed insellmu lill-Missier, lill-Iben u lill-Ispirtu s-Santu… Read more »

“No man is an island”. This often repeated phrase has its origin four hundred years ago this year, when the English poet and Dean of St Paul’s Cathedral in London, John Donne, wrote a book called Devotions upon Emergent Occasions, which was published the following year in 1624. “No man is an island” is a famous section of one of the Meditations in this book… Read more »