Photo by Jasmine Carter L-omelija tal-Isqof Joseph Galea-Curmi

Għal darbtejn f’din is-silta qasira fl-Evanġelju llum, Ġesù jirrepeti l-istess ħaġa. Jgħid: “Jekk tħobbuni, ħarsu l-kmandamenti tiegħi” (Ġw 14:15); u ftit wara: “Min iżomm il-kmandamenti tiegħi u jħarishom, dak hu li jħobbni” (Ġw 14:21).

Għaliex Ġesù jenfasizza daqshekk l-imħabba lejh u kif għandha tintwera din l-imħabba lejh? L-ewwel nett, dan hu kliem li qed jgħid fl-Aħħar Ċena, ftit qabel il-passjoni u l-mewt tiegħu, fl-aħħar mumenti ta’ ħajtu… Read more »

L-omelija tal-Isqof Joseph Galea-Curmi

“Min iżomm il-kmandamenti tiegħi u jħarishom, dak hu li jħobbni” (Ġw 14:21). Hekk jgħid Ġesù llum, fl-Evanġelju skont San Ġwann, lid-dixxipli tiegħu; u f’din is-silta qasira jenfasizza ħafna l-imħabba – isemmiha seba’ darbiet. Imma mhux hawn biss. Anke ftit qabel, f’dan l-istess diskors tal-Aħħar Ċena, Ġesù kien tkellem fuq l-imħabba u qal lid-dixxipli: “Nagħtikom kmandament ġdid: li tħobbu lil xulxin. Bħalma ħabbejtkom jien, hekk ukoll ħobbu intom lil xulxin” (Ġw 13:34)… Read more »

L-omelija tal-Isqof Joseph Galea-Curmi

Hemm karatteristika speċjali li ssibha dejjem fil-kliem ta’ Ġesù mad-dixxipli tiegħu: il-kliem tiegħu hu kliem ta’ inkoraġġiment, kliem li jagħmlilhom il-qalb, u jgħinhom ħalli qatt ma jaqtgħu qalbhom fost it-taħwid u l-biżgħat li ġieli jkollhom. Fl-Evanġelju tal-lum, Ġesù hekk jibda l-kliem tiegħu lid-dixxipli: “Tħallux qalbkom titħawwad!” (Ġw 14:1)

Nixtieqkom tinnutaw li Ġesù jitkellem fuq il-qalb – jgħid “qalbkom”. Mhux qed jgħid biss fuq ħsibijiet li joħolqu konfużjoni fil-moħħ, imma iktar minn hekk, għax il-qalb tfisser il-ħajja tal-bniedem fil-profondità tagħha… Read more »

Photo by Pixabay L-omelija tal-Isqof Joseph Galea-Curmi

“Mulej, aħna ma nafux fejn inti sejjer. Kif nistgħu nafu t-triq?” (Ġw 14:5) Dan huwa l-kliem ta’  Tumas l-appostlu, li qalu lil Ġesù meta kienu miġburin fl-Aħħar Ċena. Dan huwa l-kuntest ta’ dan il-kliem. Ġesù kien diġà lid-dixxipli ħaslilhom saqajhom, u qalilhom li hekk għandhom jagħmlu huma wkoll – “jien tajtkom eżempju biex kif għamilt jien magħkom, hekk tagħmlu intom ukoll” (Ġw 13:15) – u kien enfasizza ħafna l-kmandament tal-imħabba… Read more »

Photo by Emma Bauso L-omelija tal-Isqof Joseph Galea-Curmi

Fl-Eżortazzjoni Appostolika tiegħu Patris corde (B’qalb ta’ Missier), fuq San Ġużepp, il-
Papa Franġisku fl-aħħar paragrafu (n. 30) jikkwota dak li jgħid Ġesù: “Tgħallmu minni għax jiena ta’ qalb ħelwa u umli” (Mt 11:29), u dak li jgħid San Pawl: “Ixbhu lili” (1 Kor 4:16). Jgħid li Ġużeppi seta jgħid l-istess kliem “bis-skiet elokwenti tiegħu”.

Ħa nħarsu ftit, qabel xejn, lejn l-għażla li għamel Alla f’Ġużeppi… Read more »

Photo by JACK REDGATE L-omelija tal-Isqof Joseph Galea-Curmi

“Salvaw lilkom infuskom minn dan in-nisel ħażin” (Atti 2:40). Dan kien il-kliem ta’ Pietru meta nhar Għid il-Ħamsin ħareġ jagħti l-Aħbar li Ġesù Kristu qam mill-mewt: Ġesù, li intom sallabtu, qam rebbieħ, hu l-Mulej! In-nies li semgħuh, staqsew: “X’għandna nagħmlu aħna?” (Atti 2:37) Dakinhar, bi tweġiba lin-nies, Pietru jispiċċa l-kliem tiegħu b’din l-istedina: salvaw lilkom infuskom minn dan in-nisel ħażin – minn dak li hu pervers… Read more »

L-omelija tal-Isqof Joseph Galea-Curmi

“Min jiekol ġismi u jixrob demmi jibqa’ fija u jiena fih” (Ġw 6:56). Dan hu l-kliem li jgħid Ġesù illum fl-Evanġelju, hu u jgħallem fis-sinagoga ta’ Kafarnahum. U nafu li dan il-kliem tiegħu – dan id-diskors kollu tiegħu – ħoloq reazzjoni. L-Evanġelju jgħid li l-Lhud “tlewmu bejniethom” (Ġw 6:52).

Għamlu dik il-mistoqsija: “Kif jista’ dan jagħtina ġismu biex nikluh?” (Ġw 6:52)… Read more »

L-omelija tal-Isqof Joseph Galea-Curmi

“Kiltu mill-ħobż u xbajtu.” Dan huwa l-kliem li jgħid Ġesù lil dawn in-nies li ħadu biċċa xogħol biex jaslu sa fejnu. Dawn in-nies qagħdu jistennew fejn il-baħar biex jaraw Ġesù jinżilx minn xi dgħajsa, u meta ndunaw li ma niżilx Ġesù, ħadu huma d-dgħajjes biex imorru jfittxuh. U sabuh f’Kafarnahum. Qalulu: “meta ġejt hawn?” (Ġw 6:25) U Ġesù jgħidilhom: “…intom qegħdin tfittxuni mhux għax rajtu sinjali, imma għax kiltu mill-ħobż u xbajtu” (Ġw 6:26)… Read more »

L-omelija tal-Isqof Joseph Galea-Curmi

“Ngħożżu l-ħajja bl-imħabba.” Kieku kelli niġbor fi ftit kliem il-messaġġ qawwi li jagħti San Publju lilna llum hu propju biex aħna ngħożżu l-ħajja bl-imħabba.

Publju kien il-prinċep tal-gżira, l-ewwel wieħed, l-iktar bniedem b’responsabbiltà. U dak li jagħmel hu, irrakkuntat fl-Atti tal-Appostli, hu ta’ ispirazzjoni għal kull min għandu, b’xi mod jew ieħor,  responsabbiltà tat-tmexxija: għal min hu responsabbli mit-tmexxija ta’ pajjiżna, għal min hu responsabbli mit-tmexxija tal-Knisja, imma wkoll għal min b’xi mod jew ieħor għandu responsabbiltà tat-tmexxija, hi ta’ liema tip hi. 

Nixtieq li nħarsu lejn Publju u naraw kif jagħti ispirazzjoni sabiħa lilna lkoll, imma b’mod partikolari wkoll lil min f’xi mument jew ieħor fil-ħajja jkollu responsabbiltà tat-tmexxija… Read more »

Photo by Markus Spiske L-omelija tal-Isqof Joseph Galea-Curmi

“Mulej, int tgħallimni t-triq tal-ħajja”. Dan hu li llum tlabna fis-Salm, u li smajna wkoll lil San Pietru jgħid fit-Tħabbira tal-Għid, fil-qari mill-Atti tal-Appostli. U llum l-Evanġelju jurina lil Ġesù miexi fit-triq ma’ żewġ dixxipli.

Nixtieq li naraw dan ir-rakkont sabiħ x’jgħidilna għall-ħajja tagħna, speċjalment meta nħarsu lejn dawn iż-żewġ dixxipli u nħarsu wkoll lejn Ġesù… Read more »