L-omelija tal-Isqof Joseph Galea-Curmi

Bil-Malti hemm espressjoni li tgħid: “patta parapatta”. Tintuża l-aktar meta xi ħadd ipatti b’azzjoni ħażina għal azzjoni ħażina li jkun irċieva, qisha l-espressjoni li kien semma Ġesù “għajn b’għajn u sinna b’sinna” (Mt 5:38). Nafu kemm issir ħsara meta jiġri hekk, u speċjalment nafu x’ħerba ssir meta jkun hemm gwerra li tibda patta parapatta, u tispiċċa ħafna agħar. Bħalissa qegħdin naraw kemm vittmi innoċenti jispiċċaw maqtula f’Gaża, u ftit qabel kemm vittmi innoċenti spiċċaw maqtula f’Israel… Read more »

L-omelija tal-Isqof Joseph Galea-Curmi

“Kulma jgħidulkom huma, agħmluh u ħarsuh. Iżda tagħmlux kif jagħmlu huma” (Mt 23:3). Din il-kelma ta’ Ġesù li smajna fl-Evanġelju llum hi kelma ta’ għajnuna kbira għalina, għax issib nies li jkollhom din id-diffikultà, jgħidulek: “fil-Knisja hemm nies li huma ipokriti. Kultant tisma’ saċerdot qed jipprietka, imma ma tarahx jagħmel dak li jipprietka!” Hawn min li minħabba f’hekk, għax jidhirlu li s-saċerdot qed jgħid mod u jagħmel mod ieħor, jarmi kollox… Read more »

L-omelija tal-Isqof Joseph Galea-Curmi

Fl-Eżortazzjoni Appostolika tiegħu Ifirħu u Thennew, il-Papa Franġisku jitkellem fuq il-qdusija, is-sejħa ta’ kulħadd għall-qdusija. U jgħid: nistgħu niddiskutu ħafna, u hemm ħafna teoriji fuq xi tfisser qdusija, u ħafna tifsir u distinzjonijiet, li huma siewja. Imma jgħid: ikun aħjar li morru fil-qalba tal-kliem ta’ Kristu fuq xi tfisser il-qdusija, u l-aħjar hu li naraw dak li jgħid Ġesù fil-Beatitudnijiet, li għadna kemm smajna fl-Evanġelju llum skont San Mattew… Read more »

L-omelija tal-Isqof Joseph Galea-Curmi

“Hemm sitt ijiem li fihom wieħed għandu jaħdem; mela fihom ejjew biex titfejqu, u mhux is-Sibt!” (Lq 13:14). Din hija d-dikjarazzjoni li għamel il-kap tas-Sinagoga, u skont l-Evanġelju, għamilha “b’saħna fuqu”. Ir-raġuni kienet illi Ġesù kien għadu kif fejjaq mara li kienet ilha tmintax-il sena sħaħ marida u, minħabba l-mard tagħha, kienet ukoll milwija ħafna, lanqas kienet tista’ toqgħod dritta. 

X’naraw fl-attitudni ta’ Ġesù, mbagħad min-naħa l-oħra, tal-kap tas-Sinagoga? … Read more »

L-omelija tal-Isqof Joseph Galea-Curmi

“Mgħallem, liema hu l-kmandament il-kbir tal-liġi?” (Mt 22:36). Din il-mistoqsija li għamlu lil Ġesù – kif smajna fl-Evanġelju llum – kienet fi żmien Ġesù mistoqsija li jagħmlu l-għorrief biex jagħżlu liema fost il-kmandamenti kien l-iktar wieħed importanti. Kellhom diversi liġijiet u kmandamenti – kien hemm ’l fuq minn 600, uħud jgħidulek x’għandek tagħmel u oħrajn x’m’għandekx tagħmel. U kienu jiddilettaw jagħmlu din id-diskussjoni biex jagħrfu liema hu l-kmandament l-iktar importanti… Read more »

L-omelija tal-Isqof Joseph Galea-Curmi

“Tafu taqraw wiċċ is-sema, u wiċċ l-art ukoll; mela ż-żmien ta’ issa kif ma tafux tfissruh?” (Lq 12:56). Dan huwa l-kliem li jgħid Ġesù llum fl-Evanġelju lin-nies. Hawnhekk qiegħed jilmenta magħhom illi fejn jidħol it-temp, in-nies kapaċi jaraw is-sinjali, u jgħidu jekk hix ġejja x-xita jew jekk hix se tagħmel is-sħana; imma mbagħad, ma kinux kapaċi jaraw is-sinjali taż-żmien, jiġifieri, li Alla ġie jżurhom permezz ta’ Ibnu Ġesù. 

Kellu raġun jilmenta Ġesù? … Read more »

L-omelija tal-Isqof Joseph Galea-Curmi

“It-tagħlim hu l-għajn ta’ kull ġid”. Din hi espressjoni ta’ San Ġorġ Preca, qaddis Malti, u fiha niftakar mal-ewwel meta nara l-istorja sabiħa tal-Agostinjani fl-edukazzjoni f’pajjiżna. Propju llum qed niċċelebraw il-175 sena mit-twaqqif tal-ewwel skola tal-Agostinjani f’Malta li kienet l-ewwel skola tal-Knisja b’xejn, u dan sew qabel l-introduzzjoni tas-sistema edukattiva obbligatorja għal kulħadd.

Kif smajna, din l-iskola kienet tifforma parti mill-kunvent tal-Agostinjani fil-Belt Valletta… Read more »

L-omelija tal-Isqof Joseph Galea-Curmi

“Strieħ, kul, ixrob, ixxala” (Lq 12:19). Dan hu li r-raġel għani tal-parabbola fl-Evanġelju llum jgħid lilu nnifsu għax jibda jaħseb biex iħott l-imħażen li għandu ħalli jibni mħażen ġodda. L-Evanġelju jgħid li kellu kotra ta’ frott mir-raba’ u ma kellux fejn iqiegħdu, u għalhekk beda jaħseb kif se jagħmel ħalli jaħżen dan il-ġid kollu tiegħu. Imma kien diġà għamilha fatta li meta l-imħażen ikunu lesti, hu jkun jista’ jistrieħ, jiekol, jixrob, jixxala… Read more »

L-omelija tal-Isqof Joseph Galea-Curmi

“Mgħallem, aħna nafu li inti raġel tħobb is-sewwa u li t-triq ta’ Alla tgħallimha kif tassew hi bla ma tħabbel rasek minn ħadd, għax int lejn wiċċ ħadd ma tħares” (Mt 22:16). Dan il-kliem jgħiduh id-dixxipli tal-Fariżej ma’ xi Erodjani lil Ġesù llum fl-Evanġelju. Jekk tieqaf hawn, tgħid: dawn għandhom verament idea tajba ta’ Ġesù, għax qed jgħidu fuqu tliet affarijiet tassew sbieħ – li jħobb is-sewwa, li jgħallem it-triq ta’ Alla u jgħallimha kif inhi, u ma jħares lejn wiċċ ħadd… Read more »

L-omelija tal-Isqof Joseph Galea-Curmi

“Xejn la tibżgħu” (Lq 12:7). Dan huwa l-aħħar kliem li Ġesù llum jgħid fl-Evanġelju. Kien hemm folla kbira ta’ nies; l-Evanġelju jgħid: “in-nies bdiet tinġabar bl-eluf, kulħadd jgħaffeġ fuq xulxin” (Lq 12:1). U Ġesù, wara li jgħid li l-għasfur tal-bejt mhux minsi quddiem Alla, jgħidilhom: “Xejn la tibżgħu, għax intom aktar minn ħafna għasafar tal-bejt tiswew” (Lq 12:7). 

“Xejn la tibżgħu”: dan huwa dak li l-Mulej jgħid kemm-il darba fl-Iskrittura… Read more »