L-omelija tal-Isqof Joseph Galea-Curmi

Ċertu diskors ta’ San Pawl fis-silta li għadna kemm smajna fl-Ittra tiegħu lill-Efesin, mal-ewwel daqqa ta’ għajn, jidher mhux floku. Xi kliem qisu diskors ta’ epoka oħra u diskors li jista’ jinftiehem ħażin minn min jaqra biss xi frażi ’l hawn u ‘l hinn bla ma jifhem x’qed jgħid b’mod sħiħ.

Nixtieq li niffoka llum fuq dak li jgħid San Pawl fejn jitkellem fuq ir-relazzjonijiet bejn il-miżżewġin, għax fil-fatt, meta wieħed jagħraf il-messaġġ li ried iwassal lid-dixxipli ta’ Ġesù fi żmienu, u l-mod kif fehmuh l-Insara tal-bidu, jinduna li San Pawl qed iwassal hawn viżjoni differenti ħafna mill-mentalità ta’ żmienu… Read more »

L-omelija tal-Isqof Joseph Galea-Curmi

“Liema hu l-kmandament il-kbir, fil-liġi?” (Mt 22:36) Din hija l-mistoqsija li għamel lil Ġesù wieħed mill-Fariżej, għaref fil-liġi. Ried li Ġesù jwieġbu liema hu l-kmandament il-kbir. Dak iż-żmien kienet issir diskussjoni sħiħa fuq liema hu l-kmandament il-kbir minn ħafna kmandamenti, liġijiet, normi u preċetti li kellhom, u għalhekk, dan li kien għaref fil-liġi, ried li Ġesù jgħidlu liema hu l-kbir.

Ġesù jwieġbu mal-ewwel… Read more »

L-omelija tal-Isqof Joseph Galea-Curmi

“Aktar minnek, min qatt jista’ jħobbna? Tagħna t-tama, wara Alla biss fik.” Dawn huma versi mill-Innu lil Marija Bambina – O Marija, O Ħelwa Bambina – li kiteb l-Isqof Emanuel Galea disgħin sena ilu. Jesprimu, fil-fatt, il-konvinzjoni kbira tiegħu li mexxietu fil-ħajja kollha tiegħu.

Aħna qed nagħtu ġieh li dan l-Isqof qaddis, ragħaj li tant għamel ġid, u li kull min ġie f’kuntatt miegħu baqa’ jgħożż il-memorja tiegħu… Read more »

L-omelija tal-Isqof Joseph Galea-Curmi

“Terra sublimis”. Dawn iż-żewġ kelmiet huma l-motto ta’ dan il-post, iż-Żebbuġ Għawdex, u jfissru li hi art li qiegħda fuq għolja. Imma l-kelma “sublimis” ma tfissirx biss “li qiegħda fuq għolja”, imma għandha tifsira oħra li naħseb tgħodd ħafna għal dan il-post, u partikolarment għal din il-knisja, li hi knisja sublimi, knisja sabiħa. Nitkellem b’mod partikulari fuq l-istatwa ta’ Marija Assunta li ġiet fl-1863 minn Marsilja, u l-kwadru li llum qegħdin nagħmlu ċ-ċelebrazzjoni tal-44 anniversarju mill-inkurunazzjoni tiegħu – il-kwadru li juri lit-Trinità tinkuruna lil Marija… Read more »

L-omelija tal-Isqof Joseph Galea-Curmi

Kien fl-1950, kważi 75 sena ilu, meta l-Papa Piju XII kien iddikjara l-ġrajja ta’ Marija mtellgħa s-sema bħala parti essenzjali mit-twemmin tagħna, bħala domma tal-fidi. Li għamel il-Papa dik inhar ma kinetx xi inizjattiva ġdida, imma kien ġabar storja twila ta’ devozzjoni kbira fil-Knisja lejn Marija mtellgħa s-sema, kif nistgħu naraw f’ħafna opri tal-arti. Għalhekk il-Papa esprima dak li l-Knisja, sa mill-ewwel żminijiet, kienet temmen: jiġifieri li Marija ġiet imtellgħa s-sema bir-ruħ u l-ġisem, hekk kif temmet ħajjitha hawnhekk… Read more »

“Dak li għaqqad Alla ma għandux jifirdu l-bniedem” (Mt 19:6). Dan hu l-kliem li jgħid Ġesù llum fl-Evanġelju skont San Mattew, meta ġew il-Fariżej u qalulu: “Jista’ wieħed jitlaq lil martu fuq xi ħaġa, tkun xi tkun?” (Mt 19:2) Din hija d-domanda li għamlulu. U għamluhielu għax, kif naqraw aktar ’il quddiem fl-Evanġelju, kien hemm fil-passat, fi żmien Mose, ċirkustanzi fejn wieħed seta’ jagħmel hekk – fi kliem Ġesù, “minħabba l-ebusija ta’ qalbkom” (Mt 19:8)… Read more »

L-omelija tal-Isqof Joseph Galea-Curmi

Kemm hu sabiħ li aħna nemmnu! Dan hu li tgħidilna l-Kelma ta’ Alla llum u tħeġġiġna biex nagħrfu s-sbuħija tal-fidi tagħna, kif ukoll is-sejħa biex b’responsabbiltà ngħixu din il-fidi fil-ħajja ta’ kuljum.

Nixtieq li nħarsu lejn il-Kelma ta’ Alla u naraw tliet messaġġi li tagħtina din il-Kelma, marbuta mas-sbuħija tal-fidi tagħna.

Min jemmen għandu l-għajnuna ta’ Alla

L-ewwel messaġġ: min jemmen għandu l-għajnuna ta’ Alla u jagħraf din l-għajnuna… Read more »

L-omelija tal-Isqof Joseph Galea-Curmi

Naf persuna li ma kienet togħġobha xejn din il-parabbola, u kif Ġesù jqabbel din l-istorja ta’ ħames xebbiet għaqlin u ħamsa boloh mas-Saltna tas-Smewwiet. Speċjalment dik il-parti tal-parabbola meta dawn il-ħamsa jitolbu lill-oħrajn, jgħidulhom: “Agħtuna ftit żejt minn tagħkom, għax l-imsiebaħ tagħna jintfew” (Mt 25:8). U l-oħrajn jirrifjutaw. Dawn riedu ftit għajnuna, u l-oħrajn ma jgħinuhomx.

Dil-persuna kienet tgħid: imma kif tqabbel is-Saltna tas-Smewwiet ma’ nies li rrifjutaw li jgħinu? … Read more »

L-omelija tal-Isqof Joseph Galea-Curmi

Żgur li lkoll kemm aħna nifhmu lil dawn in-nies li fittxew lil Ġesù, u meta ma rawhx fuq id-dgħajsa, telgħu huma fuq id-dgħajjes biex jaqsmu għan-naħa l-oħra ħalli jsibuh. Dawn in-nies kien għad kif kellhom esperjenza sabiħa meta kienu eluf u Ġesù, b’miraklu, b’ħames ħobżiet u żewġ ħutiet tema’ lilhom ilkoll, u baqa’ żżejjed ukoll. Allura huma rraġunaw: tajjeb li tkun ma’ Ġesù, żgur li jipprovdi dak kollu li għandhom bżonn! … Read more »

L-omelija tal-Isqof Joseph Galea-Curmi

“Huma baqgħu mistgħaġba” (Mt 13:54). Dan hu li naqraw illum fl-Evanġelju skont San Mattew fuq ir-reazzjoni tan-nies fis-sinagoga meta Ġesù daħal hemmhekk u beda jgħallem. Kienet is-sinagoga ta’ pajjiżu, u għalhekk meta Ġesù mar hemmhekk, in-nies kienu jafu min hu u baqgħu mistagħġba – mistagħġba b’dak li kien qed jgħid u dak li kien qed jagħmel.

Baqgħu mistgħaġba għax huma, meta rawh, indunaw min hu u min hi l-familja tiegħu – u l-qrabu, u li missieru kien mastrudaxxa… Read more »