Photo: Worldwide Magazine L-omelija tal-Isqof Joseph Galea-Curmi

F’din il-knisja ddedikata lil Marija Annunzjata, aħna midħla tal-ġrajja tat-Tħabbira tal-Mulej – meta l-anġlu Gabriel deher lil Marija, u qalilha bil-pjan ta’ Alla li hi jkollha iben u ssemih Ġesu, u Marija fl-aħħar tal-ġrajja tgħid: “Ara jiena l-qaddejja tal-Mulej, ħa jsir minni skont kelmtek” (Lq 1:38). Hija ġrajja ta’ importanza kbira fl-Istorja tas-Salvazzjoni tagħna, il-ġrajja meta Ġesu sar bniedem – meta tnissel Ġesu… Read more »

L-omelija tal-Isqof Joseph Galea-Curmi

“Jien Gabrijel li qiegħed quddiem Alla. Hu bagħatni nkellmek u nwassallek din il-bxara t-tajba” (Lq 1:19). Dan huwa l-mod kif l-anġlu, li ntbagħat lil Żakkarija, jippreżenta lilu nnifsu, u nafu kif f’dan l-istess kapitlu ta’ San Luqa hemm id-dehra tal-anġlu Gabrijel lil Żakkarija kif ukoll lil Marija. Ħa nħarsu ftit lejn din id-dehra llum u l-messaġġ li jrid jagħtina, u norbtu dan mal-laqgħa li kellu Gabrijel ma’ Marija… Read more »

L-omelija tal-Isqof Joseph Galea-Curmi

“Ma felħux jissaportu meta raw l-għeġubijiet li kienu qegħdin isiru” (Mt 21:15). Dan il-kliem insibuh ftit qabel din il-ġrajja, u jirreferi għall-qassisin il-kbar u l-kittieba. Meta lil Ġesù rawh ifejjaq, u ftit qabel kien daħal fit-Tempju u keċċa l-bejjiegħa minn hemm, ma felħux jissaportu. U iktar, imbagħad, ilmentaw meta semgħu lit-tfal jgħidu fuq Ġesù: “Hosanna lil Bin David” (Mt 21:15).

Għalhekk, ftit versi wara meta nsibu din il-ġrajja fl-Evanġelju skont San Mattew, hemm dik il-mistoqsija li għamlu lil Ġesù, meta qalulu: “Int b’liema setgħa qed tagħmel dan kollu? … Read more »

Painting: ‘Mary Untier of Knots’ by Johann George Melchior Schmidtner

Message by Bishop Joseph Galea-Curmi

Mater Populi Fidelis – Mother of the Faithful People of God – is the title of the note recently published by the Dicastery for the Doctrine of the Faith (DDF). It expresses with depth and pastoral resonance the Church’s understanding of Mary’s maternal role toward the People of God… Read more »

L-omelija tal-Isqof Joseph Galea-Curmi

Bil-Malti għandna espressjoni li tgħid: “Ma ġġibhiex żewġ magħhom!” U ngħiduha fuq min, tagħmel x’tagħmel, qatt ma tissoddisfah, qatt ma hu kuntent. Jekk hemm ix-xemx, għax hija x-xemx; jekk nieżla x-xita, jilmenta minħabba x-xita. Tagħmel x’tagħmel, u jkun x’ikun, dejjem mhux soddisfatt. Hawnhekk Ġesù qed jitkellem fuq din l-esperjenza, li aħna nistgħu nifhmu ħafna għax hija parti mill-ħajja tagħna. Qed jgħid fuq l-esperjenza tiegħu: Ġie Ġwanni l-Battista, li ma kienx jiekol u jixrob, u fuqu qalu: “għandu fih xitan”… Read more »

Photo: Ian Noel Pace – Archdiocese of Malta L-omelija tal-Isqof Joseph Galea-Curmi

“Mimlija bil-grazzja” (Lq 1:28). Dan huwa l-kliem li l-anġlu Gabriel qal lil Marija, kif rajna fl-Evanġelju skont San Luqa, u huwa kliem li ngħidulha fit-talba “Sliem għalik Marija, bil-grazzja mimlija”. Huwa kliem speċjali għax huwa l-uniku post fl-Evanġelju fejn hi użata din l-espressjoni. Ħadd ħlief Marija ma jissejjaħ “mimlija bil-grazzja”.

Huwa proprju dan li qed niċċelebraw illum fis-Solennità ta’ Marija mmnissla mingħajr dnub – l-Immakulata Kunċizzjoni – u meta aħna nħarsu lejn Marija “mimlija bil-grazzja”, naraw fiha din l-opra kbira li Alla għamel… Read more »

Photo: Daniela Muscat L-omelija tal-Isqof Joseph Galea-Curmi

“Inti l-anġlu ta’ ħajjitna
Inti d-dawl u l-qawwa tagħna
Fit-tiġrib li jdallam fuqna 
Inti dejjem waqaft magħna”.

Dan huwa r-ritornell tal-Innu lil San Nikola, u huwa kliem li jesprimi b’mod sabiħ ħafna x’fisser San Nikola tul l-istorja u fi żminijietna. 

San Nikola hu wieħed mill-qaddisin l-aktar popolari u maħbubin fil-Knisja. Il-kliem tal-Innu li jsejjaħlu “Missier tagħna għażiż Nikola” juri mhux biss rispett u devozzjoni, iżda wkoll sens ta’ identità: għax fejn hemm qaddis maħbub hemm storja, hemm kultant anki tradizzjoni li tgħaddi minn ġenerazzjoni għal oħra, u hemm qalb ta’ komunità li tħoss li hawn min jimxi magħha… Read more »

L-omelija tal-Isqof Joseph Galea-Curmi

“Sinjur, ma jistħoqqlix li tidħol taħt is-saqaf tiegħi. Iżda int għid kelma biss u l-qaddej tiegħi jfiq” (Mt 8:8). Dan il-kliem li nsibu llum fl-Evanġelju llum skont San Mattew – il-kliem li ċ-ċenturjun qal lil Ġesù – hu l-kliem li aħna stess ngħidu dejjem f’kull quddiesa. Proprju fil-mument għażiż qabel se nirċievu lil Ġesù Ewkaristija, ngħidulu: “Mulej, ma jistħoqqlix li tidħol taħt is-saqaf tiegħi, iżda għid kelma waħda u ruħi tkun imfejqa”… Read more »

L-omelija tal-Isqof Joseph Galea-Curmi

“Kunu lesti” (Mt 24:44). Dawn iż-żewġ kelmiet, li nsibuhom fl-Evanġelju llum u li Ġesù qal lid-dixxipli tiegħu, għandhom it-tifsira ta’ dak li l-Kelma ta’ Alla trid tgħidilna llum, fl-Ewwel Ħadd tal-Avvent. Kunu lesti.

Żewġ miġjiet

Għal xiex inlestu? Kif nafu, l-Avvent jippreparana għaż-żmien meta aħna niċċelebraw il-miġja tas-Salvatur fostna, għall-Milied, għal dak li sar tant snin ilu imma li hija l-ġrajja tas-salvazzjoni ta’ kull żmien – Alla li sar bniedem fostna. 

Imma fl-istess waqt l-Avvent jippreparana wkoll għat-tieni miġja ta’ Ġesù fil-glorja… Read more »

L-omelija tal-Isqof Joseph Galea-Curmi

“Ħarsu lejn is-siġra tat-tin u s-siġar l-oħra” (Lq 21:29). Dan hu li jgħid Ġesù lid-dixxipli tiegħu, u Ġesù kien spiss juża l-eżempji ta’ dak li tara fil-ħolqien biex, permezz ta’ dan, iwassal il-messaġġ tiegħu. Diġà hu messaġġ fih innifsu meta Ġesù jgħid “Ħarsu lejn is-siġar tat-tin u s-siġar l-oħra”, għax hemmhekk jurina kif kien jgħożż il-ħolqien ta’ Alla.

L-ewwel messaġġ li għandna nieħdu hu li l-ħolqien qiegħed hemm biex aħna ngħożżuh u nipproteġuh, mhux biex nirrovinawh… Read more »