Featured

Our Father the potter – Bishop Galea-Curmi

Mass on the First Sunday of Advent

29/11/2020   The Parish Church of the Annunciation, Ħal Balzan

L-omelija tal-Isqof Joseph Galea-Curmi

Hemm kelma li fl-Evanġelju tal-lum Ġesù jirrepetiha tliet darbiet. Jgħid: “ishru”. Dan id-diskors hu parti minn diskors itwal li għamel Ġesù, li jiġi eżatt qabel il-Passjoni skont San Mark, u fi tmiem ta’ dan id-diskors twil, jgħid dik is-sentenza: “dak li qed ngħid lilkom, qed ngħidu għal kulħadd: ishru.”

X’jiġifieri tishar? Aħna bil-Malti għandna l-kelma ‘sahra’ li tfisser taħdem overtime… Read more »

“The Church in Malta is grateful to Oliver” – The Archbishop

Mass for the state-organised funeral of Prof. Oliver Friggieri

25/11/2020   St John's Co-Cathedral, Valletta

L-omelija tal-Arċisqof Charles Jude Scicluna

“Bħalma jħenn il-Missier għal uliedu, hekk iħenn il-Mulej għal min għandu l-biża’ tiegħu għax hu jaf kif aħna magħġuna, jiftakar li aħna trab”. Is-salmi huma ġabra ta’ poeżiji li fl-osservazzjoni li għamel il-Papa Girgor il-Kbir, bihom Alla nqeda biex jagħtina għodda ħalli nkunu nistgħu nfaħħruh, nitolbuh, ingergru miegħu, u nitolbuh l-għajnuna.

Oliver xorob qatigħ minn l-għajn safja tal-Kelma ta’ Alla li parti kbira minnha hija letteratura straordinarja… Read more »

We will all be judged on one criterion: the criterion of love – The Archbishop

Diocesan celebration on the solemnity of Our Lord Jesus Christ, King of the Universe

22/11/2020   The Minor Basilica of Christ the King, Paola

L-omelija tal-Arċisqof Charles Jude Scicluna

Fit-3 ta’ Ottubru li għadda tas-sena 2020, il-Qdusija Tiegħu l-Papa Franġisku tana dokument ġdid li huwa l-iżjed dokument riċenti fis-sensiela ta’ dokumenti prezzjużi u għeżież li s-suċċessuri ta’ Pietru tawna fid-duttrina soċjali tal-Knisja. Din is-serje bdiet fl-1891 mill-Papa Ljun XIII bl-enċiklika Rerum Novarum u diversi papiet matul is-snin f’dawn l-aħħar seklu u nofs komplew iżidu mat-tagħlim soċjali tal-Knisja… Read more »

Your kingdom come – Bishop Galea-Curmi

Mass on the Somenity of Christ the King

22/11/2020   The Parish Church of the Annunciation, Ħal Balzan

It-titlu ‘sultan’ jew ‘re’, meta nużawh għal Kristu, għal ħafna min-nies ma jinftihemx. Għax aħna, ħafna drabi, f’moħħna l-idea ta’ sultan hu ta’ xi ħadd tal-passat, li taqra fuqu fl-istejjer; jew inkella xi ħadd li għandu pożizzjoni importanti, ta’ unur, imma mingħajr effett reali fuq il-ħajja tan-nies. U Ġesù Kristu la hu xi ħadd tal-passat biss, u lanqas għandu jkun xi ħadd mingħajr influwenza fuq il-ħajja tan-nies… Read more »

EU funds for the restoration of the Chapel of Santa Marija tal-Ħlas in Żejtun

21/11/2020   Chapel of Santa Marija tal-Ħlas, Żejtun

Fil-ġimgħat li ġejjin se jibda r-restawr tal-kappella ta’ Santa Marija tal-Ħlas b’investiment ta’ madwar €130,000, ko-finanzjati b’fondi Ewropej. Id-dettalji dwar il-proġett tħabbru mis-Segretarju Parlamentari għall-Fondi Ewropej Stefan Zrinzo Azzopardi, mis-Segretarju Amministrattiv tal-Arċidjoċesi ta’ Malta Michael Pace Ross, u mill-Arċipriet taż-Żejtun Dun Nicholas Pace.

Waqt il-konferenza tal-aħbarijiet ġie spjegat li l-istruttura tal-kappella ddeterjorat ħafna minħabba dħul ta’ ilma mis-saqaf u l-umdità. B’dan l-investiment se jinbnew ħames strutturi fuq in-naħa tan-Nofsinhar tal-kappella biex jissaħħaħ il-ħajt u b’hekk jissaħħu l-ħnejjiet tas-saqaf tal-kappella… Read more »

The temple of God is not a den of thieves – Bishop Galea-Curmi

20/11/2020   The Chapel of Our Lady of Manresa at the Archbishop's Curia, Floriana

L-omelija tal-Isqof Joseph Galea-Curmi

Il-ġrajja ta’ meta Ġesù daħal fit-tempju u keċċa l-bejjiegħa mit-tempju hi ġrajja li nsibuha fl-Evanġelji kollha. F’San Luqa nsibu inqas dettalji, insibuha fil-qosor, imma joħroġ ukoll tajjeb ir-rabja li kellu Ġesù hu u jkeċċi dawn il-bejjiegħa mit-tempju, xi ħaġa li qatt ma kien għamel.

Għaliex Ġesù rrabja daqshekk? Ġesù ried jieħu azzjoni drastika, li biha jagħti messaġġ qawwi lin-nies ta’ żmienu, u lilna wkoll… Read more »

Lord, be our light – Bishop Galea-Curmi

Mass for the memorial of St Margaret of Scotland and St Gertrude

16/11/2020   The Chapel of Our Lady of Manresa at the Archbishop's Curia, Floriana

L-omelija tal-Isqof Joseph Galea-Curmi

L-istorja tal-għama li kien bilqiegħda mal-ġenb tat-triq ftit ’il bogħod minn Ġeriko hi storja sabiħa ħafna li nsibu fl-Evanġelju skont San Luqa u hi ta’ għajnuna għal ħajjitna. Nixtieq li nħarsu lejn l-għama, lejn il-folla tan-nies, u lejn Ġesù, u naraw x’jgħallmuna għal ħajjitna.

Ħa nħarsu lejn dan il-bniedem għama li kien qiegħed bilqiegħda jittallab il-karità. Dan kien bniedem li kellu kuraġġ… Read more »

Talents that show God’s trust in us – Bishop Galea-Curmi

Mass on the 33rd Sunday in Ordinary Time and the World Day of the Poor

15/11/2020   The Parish Church of the Annunciation, Ħal Balzan

Aktar ritratti: knisja.mt/ritratti L-omelija tal-Isqof Joseph Galea-Curmi

Alla għandu fiduċja fina, f’kull wieħed u waħda minna. Dan hu messaġġ importanti li jwassal Ġesù llum bil-parabbola, li tagħmlilna stedina biex aħna lkoll niskopru t-talenti li Alla qiegħed fina. Niskopruhom u nħaddmuhom skont il-missjoni li Alla tana. Għalhekk Ġesù jsemmi fil-parabbola dawn it-tliet qaddejja li s-sid tahom talenti, b’mod differenti, kulħadd skont il-ħila tiegħu: lil wieħed tah ħamsa, lill-ieħor tnejn, u lill-ieħor wieħed… Read more »

Profit is not truly measured in terms of money but in all that leads us to happiness in the Lord – The Archbishop

Mass on the 33rd Sunday in Ordinary Time and the World Day of the Poor

15/11/2020   Chapel of Wied Għammieq cemetery, Kalkara

L-omelija tal-Arċisqof Charles Jude Scicluna

Il-Mulej jgħallimna kif se jkun il-ġudizzju f’din il-parabbola. Fil-fatt hemm żewġ qaddejja li s-sid tagħhom fdahom b’ġidu u ħaddmuh u kattruh u l-kelma li jirċievu hi: “Idħol fil-hena ta’ sidek” (Mt 25:21).

Hi kelma li lkoll kemm aħna nixtiequ bil-qawwa kollha li nisimgħu fil-punt tal-mewt tagħna. “Qaddej fidil u għaqli, idħol fil-hena ta’ sidek” . U hi wkoll espressjoni sabiħa li turina l-ġenna x’inhi… Read more »

Strengthen your hearts and lift your heads – Bishop Galea-Curmi

13/11/2020   The Chapel of Our Lady of Manresa at the Archbishop's Curia, Floriana

L-omelija tal-Isqof Joseph Galea-Curmi

Meta nisimgħu dan il-kliem ta’ Ġesù, għall-bidu nieħdu l-idea li hu kliem li jbeżża’. Jitkellem b’ton li qisu jippreokkupak. Hawnhekk Ġesù qed jitkellem fuq it-Tieni Miġja tiegħu. Imma fil-fatt mhuwiex l-iskop ta’ Ġesù li jbeżża’. U nifhmu tassew is-sens tal-kliem tiegħu, għalina dixxipli tiegħu, meta niftakru f’dak li għedna fil-versett ta’ qabel l-Evanġelju, li hu wkoll kliem ta’ Ġesù li hu jgħid aktar tard fl-Evanġelju ta’ San Luqa, meta jgħid: “Qawwu qalbkom u erfgħu raskom, għax il-fidwa tagħkom hi fil-qrib”… Read more »