L-omelija tal-Arċisqof Charles Jude Scicluna

Il-kliem ta’ Ġesù li smajna llum huwa kliem iebes għax min jaf kemm fir-rabja ngħidu affarijiet lil xulxin. ‘Ġifa’, ‘iblah’ (Mt 5:22); għalina dawn il-kliem huma soft. Meta nirrabjaw għal xulxin nużaw kliem ħafna iżjed avventuruż u l-immaġinazzjoni hi bla qies. Kultant nitfgħu xi dagħwa ’l hawn u ’l hemm għall-effett. Donnu meta nkunu rrabjati għal xulxin, qisna l-ħin kollu bit-trikki trakki… Read more »

L-omelija tal-Arċisqof Charles Jude Scicluna

“Intom il-melħ … intom id-dawl” (Mt 5:13,14). Il-melħ, b’mod speċjali fi żmien Ġesù, huwa l-element li jippreżerva mill-korruzzjoni; huwa dak li jagħti t-togħma. Meta jgħidilna “intom il-melħ tal-art” qed jagħtina missjoni li bl-eżempju tajjeb u bl-għażliet tagħna ma nkunux parti mill-problema imma parti mis-soluzzjoni.

Ġesù  jitkellem ukoll dwar il-melħ li jaqta’ u jgħidilna li jekk il-melħ jaqta’ ma jibqax użu għalih u “jintrema barra u jintrifes min-nies” (Mt 5:13)… Read more »

L-omelija tal-Arċisqof Charles Jude Scicluna

Matul is-sekli l-poplu Nisrani ngħata diversi sinjali tal-preżenza reali ta’ Ġesù taħt ix-xbihat tal-ħobż u tal-inbid. Il-festa tal-lum, festa antika ta’ madwar 800 sena, ġiet mifruxa mad-dinja Kattolika kollha mill-Papa Urbanu IV wara avveniment straordinarju li ġara waqt quddiesa ħdejn il-Lago di Bolsena. Saċerdot Brażiljan, waqt li kien qed iqaddes, kien itturmentat mid-dubju jekk dak li qal Ġesù kienx veru… Read more »

Id-diskors tal-Arċisqof Charles Jude Scicluna

Eċċellenza President ta’ Malta, Sinjuri,

Xtaqt nibda b’silta mill‑poeżija Lil Malta ta’ Dun Karm li nkitbet 100 sena ilu. F’dan is‑sunett Petrarkjan, Dun Karm jibda billi japprezza l‑Italja, u jgħid: “Inħobb fis‑sewwa lil ġara tagħna”. Japprezza lill‑Ingilterra “li għandha fehma tal‑azzar daqs il‑qawwija”, imbagħad idur lejn Malta:

“Iżda daqsek lil ħadd, o Malta tiegħi,
għax int biss ommi, int tajtni l-isem,
u għadmek għadmi u demmek jiġri miegħi… Read more »

L-omelija tal-Arċisqof Charles Jude Scicluna

Ġesù jfittex ix-xbieha tal-imperatur Ċesari. Isibha fuq dinar; dinar kienet il-munita li biha jitħallas ħaddiem għal ġurnata xogħol. Hu jsib li fuq din il-munita hemm wiċċ Ċesari. Mela la l-munita għandha x-xbieha ta’ Ċesari, “Agħtu lil Ċesari dak li hu ta’ Ċesari” (Mk 12:17). Imma jekk jiena nfittex ix-xbieha ta’ Alla fejn insibha? Insibha fil-bniedem maħluq fuq ix-xbieha ta’ Alla… Read more »

L-omelija tal-Arċisqof Charles Jude Scicluna

Imqanqla mill-Ispirtu s-Santu, Sidtna Marija, malli tisma’ li l-qariba tagħha Santa Eliżabetta tinsab fis-sitt xahar tat-tqala tagħha, għax hekk qalilha l-Anġlu Gabrijel, “qamet u marret tħaffef lejn l-għoljiet” (Lq 1:39). Il-Knisja llum titlob għall-Poplu ta’ Alla d-don tad-doċilità, lejn l-ispirazzjonijiet tal-Mulej, lejn il-vuċi tal-Ispirtu s-Santu. F’dan ir-rakkont minn San Luqa, l-Ispirtu s-Santu huwa protogonista. “Malli Eliżabetta semgħet lil Marija ssellmilha, it-tarbija qabżet fil-ġuf tagħha u Eliżabetta mtliet bl-Ispirtu s-Santu” (Lq 1:41)… Read more »

L-omelija tal-Arċisqof Charles Jude Scicluna

L-isem huwa xi ħaġa tassew għażiża. Il-ġenituri, huma u jippreparaw biex ikolhom tarbija, jagħtu ftit ħsieb ukoll dwar x’se jsemmu lit-tarbija. Illum Ġesù jgħidilna x’jismu Alla. Meta lid-dixxipli jibgħathom jagħmlu dixxipli oħra u jgħammduhom, jgħidilhom: “Għammduhom fl-isem tal-Missier u tal-Iben u tal-Ispirtu s-Santu” (Mt 28:19). F’isem Alla! L-isem li jagħtina ta’ Alla huwa l-Missier u l-Iben u l-Ispirtu s-Santu. Fil-fatt aħna nitgħallmu miċ-ċokon nagħmlu kollox fl-isem ta’ Alla: fl-isem tal-Missier u tal-Iben u tal-Ispirtu s-Santu… Read more »

L-omelija tal-Arċisqof Charles Jude Scicluna

“M’għandhomx inbid” (Ġw 2:3). Din il-kelma ta’ Marija lil Ġesù tirreferi għal sitwazzjoni konkreta, waqt tieġ, waqt festa ta’ mħabba u ferħ. L-inbid, skont is-Salm 103, huwa dak li jferraħ qalb il-bniedem” (103:15). Il-ħsieb tagħna malajr imur lejn l-inbid bħala l-element li fil-ħajja tagħna jġib il-ferħ. Naqashom il-ferħ mhux biss għax l-għarus u l-għarusa kienu inkwetati li ma jistgħux jitrattaw il-mistednin bir-rispett li jistħoqqilhom — fosthom kien hemm Marija u Ġesù li stieden miegħu d-dixxipli wkoll — imma għaliex din li tgħid il-Madonna tista’ wkoll tirreferi għal tant sitwazzjonijiet fil-ħajja tagħna li donnhom ma baqgħalhomx sens jew huma kawża ta’ pietà… Read more »

L-omelija tal-Arċisqof Charles Jude Scicluna

“Jien kont magħmul xandar u appostlu biex ngħallem lill-ġnus il-fidi u l-verità”. Dan il-kliem tal-Appostlu Missierna fl-ewwel ittra tiegħu lil Timotju, ifisser il-kariżma u l-vokazzjoni ta’ San Duminku. Kien magħmul xandar u appostlu. Il-merti u l-prestiġji tiegħu fis-saltna ta’ Alla ixebbhu ħafna mal-appostli. Wara kollox, il-kariżma tiegħu nibtet fix-xewqa tiegħu li jkun dixxiplu missjunarju, xi ħaġa li l-Papa Franġisku jirrepeti diversi drabi fl-Ittra li bagħat lill-Ordni Dumnikan illum bit-titlu sabiħ Praedicator Gratiae (Predikatur tal-Grazzja)… Read more »