Il-Konkatidral ta’ San Ġwann, il-Belt Valletta
5 ta’ Jannar 2019

Ippermettuli ftit ħsibijiet qosra ispirati mill-festa li fiha qegħdin niltaqgħu. L-ewwel nett nixtieq mill-ġdid nifirħilkom u nawguralkom għas-Sagrament taż-Żwieġ li tajtu lil xulxin, tal-fatt li tlabtu l-barka tal-Knisja fuq iż-żwieġ tagħkom u li issa, fost l-inżul u t-tlajja, bdejtu tgħixuh…

Id-Dar tal-Providenza, is-Siġġiewi
1 ta’ Jannar 2019

Bħalma qalulna t-tfal fil-bidu ta’ din il-Quddiesa, ir-ragħajja semgħu l-kelma tal-anġlu u hu jgħid: “Glorja ’l Alla fl-għoli tas-smewwiet u paċi fl-art lill-bnedmin ta’ rieda tajba” (Lq 2:14). U marru jgħaġġlu lejn il-grotta ta’ Betlehem u sabu, kif kien qalilhom l-anġlu, lil Marija u lil Ġużeppi u lit-tarbija mimduda f’maxtura…

Il-Konkatidral ta’ San Ġwann, il-Belt Valletta
31 ta’ Diċembru 2018

Qegħdin infakkru l-mument meta t-tarbija Ġesù ssir parti mill-poplu Lhudi mhux biss mid-demm għaliex twieled minn omm Lhudija, imma wkoll billi jsir Bin il-Patt biċ-ċirkonċiżjoni, ritwal li kien introduċa Abraham lil uliedu u lil ulied uliedu u li baqa’ bħala s-sinjal tal-patt bejn Alla u l-bniedem…

Il-Faċilità Korrettiva ta’ Kordin, Raħal Ġdid
26 ta’ Diċembru 2018

L-ewwel nett nixtieq nirringrazzjakom talli ġejtu għal din il-Quddiesa. Illum qegħdin niċċelebraw il-festa ta’ San Stiefnu. L-isem Stiefnu jfisser ‘kuruna’. Dan iż-żagħżugħ kien ġej minn kultura Griega u għalhekk ismu wkoll ġej mill-Grieg; kien intagħżel mill-appostli ma’ sitta oħra biex ikunu jistgħu jaqdu fl-imwejjed…

Il-Konkatidral ta’ San Ġwann, il-Belt Valletta
25 ta’ Diċembru 2018

Dun Ġorġ Preca għallimna ngħożżu silta minn dan l-Evanġelju li għadna kemm qrajna. Dan huwa l-vers 14 tal-ewwel kapitlu tal-Evanġelju ta’ San Ġwann. Hu kien jgħallimna ngħożżu din is-sentenza sabiħa: “Verbum Dei caro factum est”…

Il-Katidral ta’ San Pawl, l-Imdina
24 ta’ Diċembru 2018

L-Evanġelju tat-twelid ta’ Ġesù jibda b’nota storika: “F’dik il-ħabta Ċesari Awgustu ħareġ digriet biex isir ċensiment fid-dinja kollha” (Lq 2:1). It-tieni nota storika hija li dak iċ-ċensiment kien “l-ewwel wieħed li sar meta Kirinu kien gvernatur tas-Sirja” (Lq 2:2)…

Il-Kurja tal-Arċisqof, il-Furjana
23 ta’ Diċembru 2018

L-ewwel nett nixtieq nirringrazzja ħafna lil kull min ġie biex flimkien naqsmu t-tislija sabiħa tal-Milied. Nixtieq nirringrazzja wkoll lill-media u lil tant nies li permezz  tal-media se jirċievu dan il-messaġġ. Il-messaġġ tiegħi għal din is-sena huwa messaġġ ta’ ringrazzjament lil Alla ta’ dak kollu li aħna bħala komunità Nisranija f’Malta u f’Għawdex qegħdin nagħmlu biex inkunu xhieda tal-imħabba ta’ Ġesù…

Pjazza Tritoni, il-Belt Valletta
20 ta’ Diċembru 2018

L-ewwel nett nixtieq insellem ħafna lill-President tal-Repubblika u lis-Sur Edgar Preca, lill-Onor. Prim Ministru u lis-Sinjura Michelle Mucat, lill-Ispeaker tal-Kamra tad-Deputati Dr Anġlu Farrugia u lill-Kap tal-Oppożizzjoni Dr Adrian Delia. Nirringrazzja anke lilkom hawn preżenti u lil dawk li qegħdin isegwuna permezz tal-mezzi tax-xandir…

Il-Kappella tal-Kurja tal-Arċisqof, il-Furjana
19 ta’ Diċembru 2018

F’dawn il-ġranet nisimgħu r-rakkonti li jippreċedu t-twelid tal-Messija u llum għandna tħabbira importanti fost il-ħafna tħabbiriet li qed niċċelebraw f’dawn il-jiem fl-aħħar ġimgħa tal-Avvent qabel propju l-Milied.

Illum għandna t-tħabbira ta’ Gabrijel lil Żakkarija…