Djoċesi ta’ Għawdex

Fl-okkażjoni tal-Ġublew tat-Tama u l-bidu tar-Randan Imqaddes, se jinġieb f’Għawdex il-Kurċifiss Mirakoluż u devot magħruf bħala “Ta’ Ġieżu”, meqjum fil-Knisja Franġiskana ta’ Santa Marija ta’ Ġesù fil-Belt Valletta.

Bejn il-Ġimgħa s-7 u l-Ħadd 9 ta’ Marzu, il-Kurċifiss Ta’ Ġieżu se jkun espost għall-qima fil-Knisja tal-Patrijiet Franġiskani f’Għajnsielem, fejn fl-ewwel lejl, il-knisja tibqa’ miftuħa għall- adorazzjoni u l-qima tal-fidili.

Nhar il-Ħadd 9 ta’ Marzu, l-ewwel Ħadd tar-Randan, fl-4pm, l-Isqof ta’ Għawdex Anton Teuma se jmexxi Pellegrinaġġ Penitenzjali Ġubilari bix-xbieha tal-Kurċifiss Mirakoluż, mill-Knisja ta’ Sant’Antnin ta’ Padova għal quddiem il-Knisja Arċipretali tal-Madonna ta’ Loretu, f’Għajnsielem, li għalih hu mistieden il-poplu kollu ta’ Alla… Read more »

Ritratt: Wikicommons

Id-Dumnikani tal-Birgu se jiċċelebraw l-għeluq tal-Ġublew ta’ San Tumas t’Akwinu fi tmiem Jannar.

L-ewwel ċelebrazzjoni hija nhar it-Tnejn 27 ta’ Jannar, fejn se tiġi organizzata l-Aquinas Lecture; diskussjoni fuq it-teoloġija b’indirizz mir-Rev. Dr. Alan J. Adami OP STh.D. Din se ssir fil-kunvent tad-Dumnikani tal-Birgu fis-7pm.

It-tieni ċelebrazzjoni hija nhar it-Tlieta 28 ta’ Jannar fil-Knisja tal-Lunzjata u San Duminku tal-Birgu, fejn f’jum il-festa ta’ San Tumas t’Akwinu se ssir ċelebrazzjoni tal-għeluq tal-Ġublew… Read more »