Matul ix‑xahar ta’ Settembru, l‑Arċidjoċesi ta’ Malta xxandar il‑quddiesa kuljum fid‑9:30am fuq TVM, Knisja.mt u Newsbook Malta. Mit‑Tnejn sas‑Sibt tixxandar it‑talba tar‑rużarju fuq Knisja.mt, Newsbook Malta, u Facebook u YouTube tal‑Arċidjoċesi ta’ Malta. Kull nhar ta’ Ħadd, il‑quddiesa tixxandar fuq TVM, Knisja.mt u Newsbook Malta, l‑istazzjon tar‑radju RTK 103, u Facebook u YouTube tal‑Arċidjoċesi ta’ Malta.
L‑Arċisqof Charles Scicluna se jmexxi dawn iċ‑ċelebrazzjonijiet:
Il‑Ħadd 7 ta’ Settembru fid‑9:30am, l‑Arċisqof jiċċelebra quddiesa fil-festa ta’ San Girgor il-Kbir fil-Knisja Parrokkjali ta’ San Girgor l-Kbir f’Tas-Sliema.
It-Tnejn, 8 ta’ Settembru fid-9:30am, l‑Arċisqof jiċċelebra quddiesa pontifikali fil-festa tat-Twelid tal-Verġni Marija, fil-Kolleġġjata ta’ Marija Bambina fin-Naxxar.
Il-Ġimgħa 12 ta’ Settembru fl-10:30am, l-Arċisqof jiċċelebra quddiesa f’Dar Sant’Anna fl-Isla.
Il‑Ħadd 14 ta’ Settembru fid‑9:30am, l‑Arċisqof jiċċelebra quddiesa tal-festa tal-Madonna tal-Grazzja, fis-santwarju ddedikat lilha f’Ħaż-Żabbar. Fis-6:30pm, l-Arċisqof jiċċelebra quddiesa fil-festa tal-Eżaltazzjoni tas-Salib u l-75 sena mill-għoti tat-titlu ta’ Bażilika Minuri lill-knisja ta’ Sant’Elena f’Birkirkara.
Il-Ġimgħa 26 ta’ Settembru fis‑6:30pm, l-Arċisqof jiċċelebra quddiesa li tagħti bidu għall-ħidma pastorali ta’ Patri Pawl Bugeja OFM Cap. bħala l-kappillan il-ġdid tal-Parroċċa tat-Trinità Qaddisa fil-Marsa.
Is-Sibt 27 ta’ Settembru fis‑6:00pm, l‑Arċisqof jiċċelebra quddiesa bir-rit tal-professjoni perpetwa ta’ Sr Josette Farrugia fil-Kongregazzjoni tas-Sorijiet Ursolini, fil-Knisja tal-Madonna ta’ Loreto fi Gwardamanġa.
Il‑Ħadd 28 ta’ Settembru fid‑9:30am, l‑Arċisqof jiċċelebra quddiesa fis-60 anniversarju ta’ relazzjonijiet diplomatiċi bejn is-Santa Sede u Malta, fil-Konkatidral ta’ San Ġwann fil-Belt Valletta.
It-Tnejn 29 ta’ Settembru fl-10:00am, l‑Arċisqof jiċċelebra quddiesa fil-Ġublew tal-Forzi Dixxiplinati fil-Konkatidral ta’ San Ġwann fil-Belt Valletta.