News from the Church in Malta
Għaddiet sena oħra
Għandna quddiemna r-Randan,
Trid fih tkun ferħan?
Is-sawm hu meħtieġ
Biex titrażżan ir-rieda,
Li twettaq li tixtieq.
Wasal ir-Randan
Mela ma niekolx ħelu,
Dnubi hu ġelu?
Hemm iżjed minn hekk
Biex ir-Randan ikunli ġid?
Ħa nagħmel li rrid?
Jew se nitrażżan
Mill-imġieba qarrieqa?
Kemm sirt bużżieqa? … Read more »
Rajtek ħdejn il-bieb biswit il-kappella
F’kuritur mimli b’nies ilkoll għaddejjin,
Fraħna ħafna meta erġajna ltajna
Wara waqfa ta’ tant żmien, it-tnejn sejrin.
Ħelu l-kumment tiegħek li kkummentajtli
Biex nieħu ħsieb dik iż-żaqq li tant tidher,
Kull telespettatur għid li se jaraha
W jien erħili ngħidilhom: “Kemm qed nikber”.
Imbagħad kif id-diskors dar bħaċ-ċirasa
U fettilli nsaqsik dwar l-għeżież tiegħek,
Hemmhekk gelgel minn għajnejk dmugħek ħelu
Kollu mrar, x’toqol kbir qed iġġorr miegħek… Read more »
Daqs jumejn ilu Malta u Għawdex, li lanqas int ma ħlomt li kellek tinkalja magħhom, regħdu kullimkien b’sinjal ta’ festa lilek. Il-qniepen tal-knejjes tagħna ma waqfux idoqqu bil-ferħ f’jum il-festa ta’ meta nkaljat ruħek ma’ xtutna.
Pawlu, Pawlu, li l-Mulej biddillek ismek minn Sawlu. Għadni niftakar wieħed mill-Patrijiet tagħna, Alla jaħfirlu, jgħidlek b’dak il-leħen solenni tiegħu: Pawlu Sawlu! Dan ismek li kien iriegħed il-kunvent tal-Furjana fejn kont student għal sitt snin sħaħ… Read more »
Ritratt: Ian Noel Pace – Arċidjoċesi ta’ Malta
X’fettillek Pawl minn fost tant gżejjer
Fettillek taħbat ma’ Gżiritna?
Tgħid biex mas-snin tibqa’ tfakkarna
Fil-wirt għażiż li ħallejtilna?
X’fettillek Pawl tiġi hawn fostna
Meta Kreta kienet l-aqwa tort?
Tgħid biex tiftħilna dawl għajnejna
Li mingħajr Kristu ngħixu fit-tort?
X’fettillek Pawl toqgħod tinqala’
Tissogra ħajtek fuq il-ġifen? … Read more »
Hawnhekk, fiċ-Ċentru tal-Onkoloġija, il-Mulej jagħtini l-grazzja li napprezza bil-bosta x-xogħol tant dedikat tat-team mediku kollu. Kemm napprezza bil-kbir il-kura li jagħtuna bħala pazjenti kemm għax hi tal-ogħla kwalità u anki wkoll l-għaliex l-mod kif tingħata hu tassew għaref u li jolqot mill-qiegħ nett il-bżonnijiet ta’ kull persuna.
Filwaqt li nuri l-apprezzament tiegħi lejn kulħadd, ħaddiema Maltin u mhux Maltin, nixtieq ninkoraġġiehom ilkoll ħa jibqgħu dejjem jitgħallmu mhux biss mill-kotba imma, u fuq kollox, mill-minjiera bla tarf tal-esperjenza… Read more »
